ଭାଇରାଲ ଭିଡିଓରେ ଯୋଗୀ ଆଦିତ୍ୟନାଥ ୟୁପି ଡେପୁଟି ସିଏମ କେଶବ ପ୍ରସାଦ ମୌର୍ୟ୍ୟଙ୍କୁ ନୁହେଁ ବରଂ ବିଜେପି ନେତା ବିଚନ୍ଦ୍ର ଚନ୍ଦ୍ର କୌଶିକଙ୍କୁ ଗାଳି ଦେଉଛନ୍ତି।

ସୋସିଆଲ ମିଡିଆରେ ଏକ ଭିଡିଓ ସେୟାର କରାଯାଉଛି , ଯେଉଁଥିରେ ଦାବି କରାଯାଉଛି ଯେ, ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ୟୁପି ଡେପୁଟି ସିଏମ କେଶବ ପ୍ରସାଦ ମୋର୍ୟ୍ୟଙ୍କୁ ଅପମାନିତ କରୁଥିବା ଭିଜୁଆଲ ଅଟେ। ଏହି ଭିଡିଓରେ ଯୋଗୀ ଆଦିତ୍ୟନାଥ ଜଣେ ବ୍ୟକ୍ତିଙ୍କୁ ତାଙ୍କୁ ଗାଳିଗୁଲଜ କରୁଥିବାର ଦେଖାଯାଉଛନ୍ତି। ଆମ ଅନୁସନ୍ଧାନରେ ସ୍ପଷ୍ଟ ହେଲା ଯେ, ଭାଇରାଲ ଭିଡିଓରେ କରାଯାଇତିବା ଦାବି ମିଥ୍ୟା ଅଟେ।

10 ଡିସେମ୍ବରରେ My Blood Congress ପେଜରେ ଭାଇରାଲ ଭିଡିଓ ପୋଷ୍ଟ କରାଯାଇଛି। ପୋଷ୍ଟରେ ଲେଖାଯାଇଛି ଯେ, ସଂଘୀ ମନୁବାଦ ଢାଞ୍ଚାର ଏକ ନମୁନା… ଜ୍ୱଳନ୍ତ ନମୁନା ଉତ୍ତର ପ୍ରଦେଶ ଉପ ମୁଖ୍ୟମନ୍ତ୍ରୀ କେଶବ ଚନ୍ଦ୍ର ମୋର୍ୟ ଜଣେ ନୀଚ ଜାତିର OBC, ହେଲେ ଭୋଗୀ ଜଣେ କ୍ଷତ୍ରିୟ ଉଚ୍ଚ ଜାତିର, ଏକ ନିର୍ବାଚନ ସଭାରେ ଯେତେବେଳେ ଉପ ମୁଖ୍ୟମନ୍ତ୍ରୀ ଯୋଗୀଙ୍କ ପାଖରେ ବସିବାକୁ ଆସିଲେ ତାଙ୍କୁ ତଡି ଦିଆଗଲା ଏବଂ ପଛରେ ବସିବାକୁ କୁହାଗଲା…..ଅନେକ ପ୍ରଶ୍ନ ପଚାରନ୍ତି କାହିଁକି ମୂଁ RSS ଏବଂ ବିଜେପି କୁ ଏତେ ଘୃଣା କରେ, ଉତ୍ତର ଆପଣଙ୍କ ସାମ୍ନାରେ, ଧର୍ମଗତ ବିଭେଦ ଏବଂ ଜାତିଗତ ବିଭେଦ ସୃଷ୍ଟି କରିବା ସଂଘୀ ମନୁବାଦ ର ପ୍ରଥମ ଉଦେଶ୍ୟ… 

ଅନୁସନ୍ଧାନ ପୂର୍ବରୁ ପୋଷ୍ଟକୁ ଅନେକଥର ସେୟାର କରାଯିବା ସହ ପୋଷ୍ଟକୁ ଅନେକ ଲାଇକ ଏବଂ କମେଣ୍ଟ ମଧ୍ୟ କରାଯାଇଛି। ତଳେ ପୋଷ୍ଟର ଲିଙ୍କ ଦେଖନ୍ତୁ।

ତେବେ କଣ ଭାଇରାଲ ପୋଷ୍ଟରେ ଯୋଗୀ ଆଦିତ୍ୟନାଥଙ୍କ ୟୁପି ଡେପୁଟି ସିଏମ କେଶବ ପ୍ରସାଦ ମୋର୍ୟ୍ୟଙ୍କୁ ଅପମାନିତ କରୁଥିବା ଭିଜୁଆଲ୍ ଅଟେ। ପୋଷ୍ଟର ସତ୍ୟତା ଜାଣିବା ପାଇଁ ଆମେ ଅନୁସନ୍ଧାନ କରିଲୁ। ଆମ ଅନୁସନ୍ଧାନ ପଢ଼ନ୍ତୁ।

ଅନୁସନ୍ଧାନ-

ଅନୁସନ୍ଧାନ ଆରମ୍ଭରେ ଆମେ ଭାଇରାଲ ଭିଡିଓ ସମ୍ପର୍କରେ ଗୁଗୁଲରେ ସର୍ଚ୍ଚ କରିଲୁ। ସର୍ଚ୍ଚରେ ଆମକୁ ଏହାକୁ ନେଇ କିଛି ଲିଙ୍କ ମିଳିଲା।  1 ଡିସେମ୍ବରରେ Vivek N Mishra ନାମକ ଜଣେ ଟ୍ୱିଟର ୟୁଜର ଭାଇରାଲ ଭିଡିଓ ପୋଷ୍ଟ କରିଛନ୍ତି। ପୋଷ୍ଟରେ ଲେଖାଯାଇଛି ଯେ, ବେଳେବେଳେ ମୂର୍ଖ କରିବା ସମ୍ବନ୍ଧରେ ଏକ ଅପମାନ। ଗୋରଖପୁରରେ ଘନିଷ୍ଠତା ଦେଖାଇଥିବାରୁ ବିଜେପି ନେତା ବିଭୂତ ଚାନ୍ଦ କୌଶିକଙ୍କୁ ସର୍ବସାଧାରଣରେ ତାଗିଦ କରାଯାଇଥିଲା। ତଳେ ପୋଷ୍ଟର ଲିଙ୍କ ଦେଖନ୍ତୁ।

कभी कभार भौकाल बनाने के चक्कर मे बेइज्जती हो जाती है। #गोरखपुर में नजदीकी दिखाने के चक्कर में #भाजपा नेता विभ्राट चंद #कौशिक सार्वजनिक रूप से पा गए फटकार । pic.twitter.com/USR0utym3W

— Vivek N Mishra (@viveknmishra_) December 1, 2021

ଏହା ପରେ ଆମେ ଭାଇରାଲ ଭିଡିଓକୁ ନେଇ ଅଧିକ ସର୍ଚ୍ଚ କରିଲୁ। ଆମକୁ AJTAK ପେଜରେ ଭାଇରାଲ ଭାଇରାଲ ଭିଡିଓର ଖବର ପାଇଲୁ।  ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ଦ୍ୱାରା ଗାଳିଗୁଲଜ ହୋଇଥିବା ବ୍ୟକ୍ତିଙ୍କ ବିବରଣୀରେ ଲେଖାଯାଇଛି  ଯେ, ଯୋଗୀ ଆଦିତ୍ୟନାଥ ଉତ୍ତରପ୍ରଦେଶର ଗୋରଖପୁର ଜିଲ୍ଲାର ବିଶିଷ୍ଟ ବିଜେପି ନେତା ଭବ୍ରତ ଚାନ୍ଦ କୌଶିକଙ୍କୁ ଗାଳି ଦେଇଛନ୍ତି। ଅଧିକ ସୂଚନା ପାଇଁ ତଳେ ଲିଙ୍କ ଦେଖନ୍ତୁ। 

ଏଠାରେ ଲିଙ୍କ ଦେଖନ୍ତୁ- AJTAK । Archive

ଏହା ପରେ ଆମେ newsncr ଖବର ପେଜରେ ମଧ୍ୟ ଭାଇରାଲ ଭିଡିଓର ଖବର ପ୍ରକାଶିତ ହୋଇଥିବାର ପାଇଲୁ। ଖବରରେ ଲେଖାଯାଇଛି ଯେ, ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି, ଏହି ଭିଡିଓରେ ସିଏମ ଯୋଗୀ ବିଜେପି ନେତାଙ୍କୁ ମଞ୍ଚ ଉପରେ ଗାଳି ଦେଉଥିବାର ଦେଖାଯାଉଛି। ସୂଚନା ଅନୁଯାୟୀ, ସିଏମ୍ ଯୋଗୀ ମଞ୍ଚ ଉପରେ ଗାଳି ଦେଉଥିବା ନେତାଙ୍କ ନାମ ହେଉଛି ବିବ୍ରାଟ ଚାନ୍ଦ କୌଶିକ ଅଟନ୍ତି। ସେ ରାଜ୍ୟ ମନ୍ତ୍ରୀ ମାନ୍ୟତା ପାଇଛନ୍ତି। ସିଏମ ଯୋଗୀ ବାନ୍ସଗାଓଁ ବିଧାନସଭା ନିର୍ବାଚନମଣ୍ଡଳୀରେ ଏକ କ୍ରୀଡା ଇଭେଣ୍ଟରେ ପହଞ୍ଚିଥିଲେ। ଏହି ସମୟରେ ଯେତେବେଳେ ସେ ମୁଖ୍ୟ ଅତିଥି ଭାବରେ ମଞ୍ଚ ଉପରେ ବସିଥିଲେ, ସେତେବେଳେ ବିଜେପି ନେତା କୌଶିକ ତାଙ୍କ କାନକୁ ଯାଇ କିଛି କହିବାକୁ ଚେଷ୍ଟା କରୁଥିଲେ। ଯେତେବେଳେ କୌଶିକ ଏହା କଲେ ଯୋଗୀ କ୍ରୋଧିତ ହେଲେ ଏବଂ ତାଙ୍କୁ ଗାଳି ଦେଲେ ଏବଂ କହିଥିଲେ ‘ଚାଲ ପରେ କଥା ହେବା । ଅଧିକ ସୂଚନା ପାଇଁ ତଳେ ଲିଙ୍କ ଦେଖନ୍ତୁ।

ଏଠାରେ ଲିଙ୍କ ଦେଖନ୍ତୁ- newsncr

3 ଡିସେମ୍ବରରେ Bhojpuri News/भोजपुरी न्यूज़ ଫେସବୁକ ପେଜରେ ଭାଇରାଲ ଭିଡିଓରେଥିବା ବ୍ୟକ୍ତିର ମତ ପାଇଲୁ। ସେ ଭିଡିଓରେ କହିଛନ୍ତି ଯେ, “ଗୋରଖପୁର ଜିଲ୍ଲାର ବାନ୍ସଗାଓଁରେ ଏକ ଷ୍ଟାଡିୟମ ନିର୍ମାଣ ପାଇଁ ଦୀର୍ଘ ଦିନ ଧରି ଦାବି ହୋଇଆସୁଛି। ମୁଁ ଘୋଷଣା କରିବାକୁ ମୁଖ୍ୟମନ୍ତ୍ରୀଙ୍କୁ ଅନୁରୋଧ କରିବାକୁ ଯାଇଥିଲି, ଅନ୍ୟଥା ପରେ ବିଳମ୍ବ ହୋଇପାରେ। କିନ୍ତୁ ସେ (ସିଏମ୍) ମୋତେ ବସିବାକୁ କହିଥିଲେ। ତେବେ ଏହି ଘଟଣାକୁ ବିକୃତ କରି ସୋସିଆଲ ମିଡିଆରେ ଉପସ୍ଥାପିତ କରାଯାଇଛି। ଯୋଗି ଆଦିତ୍ୟନାଥ ମୋ ପିତା ଏବଂ ଗୁଗୁ ସମାନ। ତେଣୁ ଏପରି ଭିଡିଓ ମିଥ୍ୟା ଦାବିରେ ସେୟାର କରିବା ପୂର୍ବରୁ ଜାଞ୍ଚ କରିବା ପାଇଁ ସେ ଅନୁରୋଧ କରିଛନ୍ତି। ଅଧିକ ସୂଚନା ପାଇଁ ତଳେ ଲିଙ୍କ ଦେଖନ୍ତୁ।

ଶେଷକଥା–

ଅନୁସନ୍ଧାନରୁ ଆମେ ସ୍ପଷ୍ଟ ହେଲୁ ଯେ, ଭିଡିଓରେ ୟୁପି ସିଏମ ଯୋଗୀ ଆଦିତ୍ୟନାଥଙ୍କ ଦ୍ୱାରା ଗାଳିଗୁଲଜ ହୋଇଥିବା ବ୍ୟକ୍ତି ହେଉଛନ୍ତି ଗୋରଖପୁର ବିଜେପି ନେତା ବିଚନ୍ଦ୍ର ଚାନ୍ଦ କୌଶିକ, ୟୁପି ଡେପୁଟି ସିଏମ କେଶବ ପ୍ରସାଦ ମୌର୍ୟ୍ୟ ନୁହଁନ୍ତି।