ଜଣେ ସାମ୍ବାଦିକଙ୍କୁ ଧମକ ଦେଉଥିବା ଜଣେ ଶିକ୍ଷକଙ୍କ ସ୍କ୍ରିପ୍ଟ (ନାଟକୀୟ) ଭିଡିଓକୁ ପ୍ରକୃତ ଘଟଣା ନାମରେ ଭାଇରାଲ ହୋଇଛି। 

ନିକଟରେ ଜଣେ ସାମ୍ବାଦିକ ଏବଂ ଜଣେ ଶିକ୍ଷକଙ୍କ ମଧ୍ୟରେ ବିତର୍କର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଭିଡିଓରେ ସାମ୍ବାଦିକ ଶିକ୍ଷକଙ୍କୁ ପ୍ରଶ୍ନ ପଚାଉଥିବାରୁ ସେହି ଶିକ୍ଷକ ତାଙ୍କୁ କଡା ଉତ୍ତର ଦେଉଥିବା ଦେଖିବାକୁ ମିଳିଛି। ଭିଡିଓ ସହିତ ଦାବି କରା ଯାଉଛି ଯେ ଶିକ୍ଷକଙ୍କ ସାମ୍ବାଦିକଙ୍କୁ ପ୍ରତିକ୍ରିୟା କରୁଥିବା ଏହି ଭିଡିଓ ଏକ ପ୍ରକୃତ ଘଟଣା ଅଟେ।

କିନ୍ତୁ ଫ୍ୟାକ୍ଟ କ୍ରିଷେଣ୍ଡୋ ଏହି ଦାବିକୁ ମିଥ୍ୟା ଏବଂ ଭିତ୍ତିହୀନ ବୋଲି ପାଇଲା। ଭାଇରାଲ ଭିଡିଓ ପ୍ରକୃତ ଘଟଣା ନୁହେଁ ବରଂ ଏକ କାଳ୍ପନିକ ସ୍କ୍ରିପ୍ଟ ଭିଡିଓ ଅଟେ। 

କ’ଣ କୁହା ଯାଇଛି ପୋଷ୍ଟରେ?

ଭିଡିଓ ସେଯାର କରି ଦାବି କରା ଯାଇଛି ଯେ ଏହା ଏକ ପ୍ରକୃତ ଘଟଣା ଅଟେ ଯେଉଁଥିରେ ଜଣେ ଶିକ୍ଷକ, ସାମ୍ବାଦିକଙ୍କୁ ଓଲଟା ପ୍ରଶ୍ନ ପଚାରୁଛନ୍ତି। ପୋଷ୍ଟରେ ଲେଖା ଯାଇଛି, “କିଛି ବୁମ ମାଫିଆଙ୍କୁ ଏଭଳି ଓଲଟା ପ୍ରଶ୍ନର ଆବଶ୍ୟକତା ରହିଛି। ସବୁଠୁ ଭଲ ଲାଗିଲା ଆପଣ ସମ୍ବାଦିକତା କେଉଁଠୁ ପଢ଼ିଛନ୍ତି ପ୍ରଶ୍ନଟି।”

Facebook | Archive

ଆମ ଅନୁସନ୍ଧାନ: 

ଉପରୋକ୍ତ ପୋଷ୍ଟରେ ଦିଆଯାଇଥିବା ଦାବିଗୁଡିକର ସତ୍ୟତା ଯାଞ୍ଚ କରିବା ଆବଶ୍ୟକ ବୋଲି ଜାଣି ଆମେ ଆମର ଅନୁସନ୍ଧାନ / ଅନୁସନ୍ଧାନ ପ୍ରକ୍ରିୟା ଆରମ୍ଭ କରିଲୁ। ପ୍ରଥମେ ଆମେ ପୋଷ୍ଟ ହୋଇଥିବା ଭିଡିଓର ସ୍କ୍ରିନସଟ ନେଇ ତାହାର ଗୁଗୁଲ ରିଭର୍ସ ଇମେଜ୍ ସର୍ଚ୍ଚ କରିଲୁ। ଫଳାଫଳରେ ଆମେ ଜାଣିବାକୁ ପାଇଲୁ ଯେ ସମାନ ଭିଡିଓ ୨୧ ସେପ୍ଟେମ୍ବର ୨୦୨୨ ରେ ଫାଇନାଲ୍ ପୋଷ୍ଟ ନାମକ ଗୋଟିଏ ୟୁଟ୍ୟୁବ ଚ୍ୟାନାଲରେ ଅପ୍ଲୋଡ ହୋଇଥିଲା। 

https://www.youtube.com/watch?v=3LPeNWi

୧୧.୧୦ ମିନିଟର ଏହି ସମ୍ପୂର୍ଣ୍ଣ ଭିଡିଓକୁ ଯତ୍ନର ସହ ଦେଖିବା ପରେ, ଆମେ ଜାଣିବାକୁ ପାଇଲୁ ଯେ ଏହି ଭିଡିଓରେ ୧.୩୦ ମିନିଟରେ ସାମ୍ବାଦିକ କହିଛନ୍ତି ଯେ ଶିକ୍ଷକମାନଙ୍କୁ ସମ୍ମାନ ଦେବା ପାଇଁ ସେମାନେ ଏହି ଭିଡିଓକୁ ନାଟକ ଆକାରରେ କରିଛନ୍ତି।

ଏହି ସାମ୍ବାଦିକଙ୍କ ନାମ ଶଶି ଶେଖର ଅଟେ। ସେମାନେ କହୁଛନ୍ତି ଯେ ସେମାନେ ପୂର୍ବରୁ ମଧ୍ୟ ଏହିପରି ଅନେକ ଭିଡିଓ ପ୍ରସ୍ତୁତ କରିଛନ୍ତି। ସେମାନେ ବିହାରର ଏକ ବିଦ୍ୟାଳୟରେ ଏହି ଭିଡିଓ ପ୍ରସ୍ତୁତ କରିଛନ୍ତି। ଏହି ଭିଡିଓରେ ସାମ୍ବାଦିକ ଭାବରେ କାର୍ଯ୍ୟ କରୁଥିବା ଦୁଇ ଯୁବକଙ୍କ ନାମ ହେଉଛି ଅନିକେତ୍ ଏବଂ ଭ୍ୟୋମ୍। 

ସେମାନେ କହୁଛନ୍ତି ଯେ ସେମାନେ ସାମ୍ବାଦିକଙ୍କ ବିରୁଦ୍ଧରେ ଏହି ଭିଡିଓ ପ୍ରସ୍ତୁତ କରିଛନ୍ତି ଯେଉଁମାନେ କ୍ଲାସକୁ ଯାଆନ୍ତି ଏବଂ ଶିକ୍ଷକମାନଙ୍କୁ ସେମାନଙ୍କ ଛାତ୍ରମାନଙ୍କ ସାମ୍ନାରେ ଅପମାନିତ କରନ୍ତି ଯାହା ଦ୍ଵାରା ସେମାନଙ୍କ ଚ୍ୟାନେଲ ଟିଆରପି ପାଇଥାଏ। ସେ ଏହା ମଧ୍ୟ କହୁଛନ୍ତି ଯେ ବିହାରର ଅବସ୍ଥା ଏତିକି ଖରାପ ନୁହେଁ ଯେପରି ଲୋକ ମାନେ କୁହନ୍ତି। ଏହା ଜଣାଇବା ପାଇଁ ସେ ଏହି ଭିଡିଓ ପ୍ରସ୍ତୁତ କରିଛନ୍ତି।

ବିହାର ରାଜ୍ୟର ମୋତିହାରୀ ଜିଲ୍ଲାରେ ଏହି ବିଦ୍ୟାଳୟଟି ଅବସ୍ଥିତ। ପୂରା ଭିଡିଓ ସାମ୍ବାଦିକମାନଙ୍କୁ ତାଗିଦ କରୁଛି ଯେଉଁମାନେ ବିଦ୍ୟାଳୟକୁ ଯାଆନ୍ତି ଏବଂ ଶିକ୍ଷକମାନଙ୍କୁ ପ୍ରଶ୍ନ କରନ୍ତି ଏବଂ ସେମାନଙ୍କୁ ବଦନାମ କରନ୍ତି। 

ଫାଇନାଲ୍ ପୋଷ୍ଟର ୟୁଟ୍ୟୁବ ଚ୍ୟାନାଲ ସର୍ଚ୍ଚ କରିଲା ପରେ ଆମେ ଜାଣିବାକୁ ପାଇଲୁ ଯେ ୧୪ ସେପ୍ଟେମ୍ବରରେ ସେମାନେ ଏକ ସମାନ ଭିଡିଓ ପ୍ରସାରଣ କରିଥିଲେ। ନିମ୍ନରେ ଆପଣ ମାନେ ସେହି ଭିଡିଓକୁ ଦେଖି ପାରିବେ। 

ଶେଷକଥା: 

ଆମ ଅନୁସନ୍ଧାନରୁ ପ୍ରମାଣିତ ହେଲା ଯେ ଭାଇରାଲ ଦାବି ବିଭ୍ରାନ୍ତିକର ଅଟେ। ଭାଇରାଲ ଭିଡିଓ କୌଣସି ପ୍ରକୃତ ଘଟଣା ନୁହେଁ ବରଂ ଏକ କାଳ୍ପନିକ ସ୍କ୍ରିପ୍ଟ ଭିଡିଓ ଅଟେ। ଏହାକୁ ପ୍ରକୃତ ଘଟଣା କହି ଲୋକଙ୍କୁ ବିଭ୍ରାନ୍ତ କରା ଯାଉଛି।