- >>
- False
କଂଗ୍ରେସ ମୁସଲମାନମାନଙ୍କର ଏକ ଦଳ ବୋଲି ରାହୁଲ ଗାନ୍ଧୀ ପ୍ରକୃତରେ ଏକ ବିବୃତ୍ତି ଦେଇଛନ୍ତି କି?
ବର୍ତ୍ତମାନ ସୋସିଆଲ ମିଡିଆରେ ଏକ ପୋଷ୍ଟ ଭାଇରାଲ ହେଉଛି ଯେଉଁଥିରେ ଦାବି କରା ଯାଉଛି ଯେ ରାହୁଲ ଗାନ୍ଧୀ କହିଛନ୍ତି ଯେ ତାଙ୍କ ପୂର୍ବପୁରୁଷ ମାନେ ମୁସଲମାନ ଏବଂ କଂଗ୍ରେସ ମଧ୍ୟ ମୁସଲମାନ ମାନଙ୍କର ଏକ ଦଳ। କଂଗ୍ରେସ ମୁସଲମାନ ମାନଙ୍କର ଦଳ ବୋଲି ରାହୁଲ ଗାନ୍ଧୀ ନିଜେ ସ୍ଵୀକାର କରିଛନ୍ତି ବୋଲି ଦାବି କରା ଯାଉଛି।
କିନ୍ତୁ ଫ୍ୟାକ୍ଟ କ୍ରିଷେଣ୍ଡୋ ଭାଇରାଲ ଦାବିକୁ ମିଥ୍ୟା ବୋଲି ପାଇଲା। ରାହୁଲ ଗାନ୍ଧୀ କେବେ କହି ନାହାଁନ୍ତି ଯେ ତାଙ୍କ ପୂର୍ବପୁରୁଷମାନେ ମୁସଲମାନ ଏବଂ ସେ ଜଣେ ମୁସଲମାନ କିମ୍ବା କଂଗ୍ରେସ ମୁସଲମାନମାନଙ୍କର ଏକ ଦଳ।
ଆମ ଅନୁସନ୍ଧାନରେ ପ୍ରଥମେ ଆମେ ବିଭିନ୍ନ ମୁଖ୍ୟଶବ୍ଦ ବ୍ୟବହାର କରି ସର୍ଚ୍ଚ କରିବା ପରେ ଆମେ କୌଣସି ଫଳାଫଳ ପାଇଲୁ ନାହିଁ ଯେଉଁଥିରେ ରାହୁଲ ଗାନ୍ଧୀ କହୁଛନ୍ତି ଯେ କଂଗ୍ରେସ ହେଉଛି ମୁସଲମାନମାନଙ୍କର ଏକ ଦଳ।
ଏହା ପରେ ଆମେ ୧୨ ନଭେମ୍ବର ୨୦୧୮ ରେ ଏବିପି ନ୍ୟୁଜ୍ ଦ୍ୱାରା ଏକ ଟୁଇଟ୍ ପାଇଲୁ। ଏହି ଟୁଇଟ ଦ୍ଵାରା ଏବିପି ନ୍ୟୁଜ୍ ଲୋକଙ୍କୁ ସୂଚିତ କରିଛି ଯେ ତାଙ୍କ ନ୍ୟୁଜ୍ ଟେମ୍ପଲେଟ୍ ବ୍ୟବହାର ଏବଂ ଏଡିଟ୍ କରା ଯାଇଛି। ଏହି ସ୍କ୍ରିନଶଟ୍ ଗୁଡ଼ିକରେ ପ୍ରକାଶ କରା ଯାଇଥିବା ଖବର ର ରାହୁଲ ଗାନ୍ଧୀଙ୍କ ବିବୃତ୍ତି ସଂପର୍କରେ ଏବିପି ନ୍ୟୁଜ୍ ନେଟୱାର୍କ ସହିତ କୌଣସି ସମ୍ପର୍କ ନାହିଁ।
ଏକ ସାମ୍ବାଦିକ ସମ୍ମିଳନୀରେ କଂଗ୍ରେସ ସ୍ପଷ୍ଟ କରିଛି ଯେ ବିଜେପି ର ଧର୍ମ ହେଉଛି କେବଳ ଶକ୍ତି/ଶାସନ। କିନ୍ତୁ କଂଗ୍ରେସ, ଦେଶର ସମସ୍ତ ନାଗରିକ, ଧର୍ମ, ଜାତି, ଭାଷା, ଏବଂ ସମସ୍ତ କ୍ଷେତ୍ରର ପ୍ରତିନିଧିତ୍ଵ କରି ଆସିଛି ଏବଂ ଭବିଷ୍ୟତରେ ମଧ୍ୟ କରିବ।
କଂଗ୍ରେସ କହିଛି ଯେ ତାଙ୍କ ଦଳ ମୁସଲମାନ ମାନକ ଦଳ ବୋଲି କୌଣସି ବିବୃତ୍ତି ରାହୁଲ ଗାନ୍ଧୀ ଦେଇ ନାହଁନ୍ତି। ରାହୁଲ ଗାନ୍ଧୀ ଏକ ଟୁଇଟରେ କଂଗ୍ରେସକୁ ଏକ ନିରପେକ୍ଷ ରାଜନୈତିକ ଦଳ ବୋଲି କହିଛନ୍ତି ଯାହା ଦେଶର ପ୍ରତ୍ୟେକ ଧର୍ମର ଅଟେ।
ସିଦ୍ଧାନ୍ତ:
ଆମ ଅନୁସନ୍ଧାନରୁ ପ୍ରମାଣିତ ହେଲା ଯେ ଏବିପି ନ୍ୟୁଜ୍ ର ଟେମ୍ପଲେଟ୍ ଏଡିଟ୍ କରି କଂଗ୍ରେସ ମୁସଲମାନ ମାନଙ୍କର ଦଳ ବୋଲି ପ୍ରଚାର କରା ଯାଉଛି। ରାହୁଲ ଗାନ୍ଧୀ କହି ନାହଁନ୍ତି ଯେ ସେ କିମ୍ବା ତାଙ୍କ ପୂର୍ବପୁରୁଷ ମୁସଲମାନ ଥିଲେ ଏବଂ କଂଗ୍ରେସ ମୁସଲମାନ ମାନଙ୍କର ଏକ ଦଳ।
