କ’ଣ ପ୍ରକୃତରେ ଏହି ଭିଡିଓରେ ଜଣେ ମୁସ୍ଲିମ ବ୍ୟକ୍ତି ଜଣେ ହିନ୍ଦୁଙ୍କୁ ନିଜ ଅଞ୍ଚଳରୁ ଧକା ଦେଇ ବାହାର କରୁଛନ୍ତି? ଜାଣନ୍ତୁ ସତ୍ୟ। 

ସୋସିଆଲ ମିଡିଆରେ ଏକ ଭିଡିଓ ଦ୍ରୁତ ଗତିରେ ସେୟାର କରାଯାଉଛି, ଯେଉଁଥିରେ ଜଣେ ମୁସଲମାନ ଟୋପି ପିନ୍ଧିଥିବା ଜଣେ ବ୍ୟକ୍ତି ଭଗବା ସ୍କାର୍ଫ ପିନ୍ଧିଥିବା ବ୍ୟକ୍ତିଙ୍କ ସହ ଅସଦାଚରଣ କରୁଥିବା ଦେଖାଯାଉଛି। ଦାବି କରାଯାଉଛି ଯେ ଜଣେ ହିନ୍ଦୁ ଜଣେ ମୁସଲମାନ ଅଞ୍ଚଳରେ ଭଗବା ସ୍କାର୍ଫ ପିନ୍ଧି ଠିଆ ହୋଇଥିବାରୁ ତାଙ୍କୁ ମୁସ୍କିମ ବ୍ୟକ୍ତି ସେଠାରୁ ତାଙ୍କୁ ଠେଲି ବାହାର କରିବାର ଉଦ୍ଦ୍ୟୟମ କରୁଛନ୍ତି। 

ଭାଇରାଲ ଭିଡିଓରେ ପ୍ରଥମ ମୁସଲମାନ ବ୍ୟକ୍ତି ଭଗବା କପଡା ପିନ୍ଧିଥିବା ବ୍ୟକ୍ତିଙ୍କୁ ପଚାରିଛନ୍ତି, ସେ ଏଠାରେ କାହିଁକି ଠିଆ ହୋଇଛନ୍ତି? ଏହା ପରେ ସେ ସେହି ଭଗବା କପଡା ପିନ୍ଧିଥିବା ବ୍ୟକ୍ତିଙ୍କୁ ଠେଲି ଦେଇ ସେହି ଅଞ୍ଚଳ ଛାଡିବାକୁ କହୁଛନ୍ତି। ଭଗବା ପୋଷାକ ପିନ୍ଧିଥିବା ବ୍ୟକ୍ତି ତାଙ୍କୁ ପଚାରିଛନ୍ତି ଯେ ଜଣେ ମୁସଲମାନ ଅଞ୍ଚଳରେ ଜଣେ ହିନ୍ଦୁ ଠିଆ ହୋଇପାରିବ ନାହିଁ କି? ସେଠାରେ, କିଛି ସମୟ ମଧ୍ୟରେ, ଲୋକଙ୍କ ଭିଡ଼ ଏକତ୍ର ହୋଇଥିଲା। 

କିନ୍ତୁ ଫ୍ୟାକ୍ଟ କ୍ରିଷେଣ୍ଡୋ ଜାଣିବାକୁ ପାଇଛି ଯେ ଏହା ଏକ ନାଟକ ଭିଡିଓ ଏବଂ ପ୍ରକୃତର ଘଟଣା ନୁହେଁ। 

କ’ଣ ଦାବି କରା ଯାଇଛି ପୋଷ୍ଟରେ? 

ଭିଡିଓ ସେୟାର କରି ସୋସିଆଲ ମିଡିଆ ବ୍ୟବହାରକାରୀ ମାନେ ଦାବି କରୁଛନ୍ତି ଯେ, “ମୁସଲମାନ ମାନେ ତମ ଏରିଆରେ କଣା ଟୋପି ଲଗେଇ ବିନ୍ଦାସ୍ ବୁଲି ପାରିବେ… ଆଉ ତମେ କିଛି କରିବନି ବି! କିନ୍ତୁ ତମେ ଯଦି ସାମାନ୍ଯ ଭଗବା ଗାମୁଛା ଯଦି ତାଙ୍କ ଏରିଆରେ ( ଅର୍ଥାତ୍ ହିନ୍ଦୁ ଯେଉଁଠି ସଂଖ୍ୟାଲଘୁ) ପକେଇ କି ଯିବ ତାହାଲେ ଧକ୍କା, ମାରପିଟ ଆରମ୍ଭ ହେଇଯିବ! ଏହା ହିଁ ଭାଇଚାରା ବା ସେକୁଲାରିଜିମ୍ ର ପ୍ରକୃଷ୍ଠ ଉଦାହରଣ”

Facebook | Archive

ଆମ ଅନୁସନ୍ଧାନ: 

ଆମ ଅନୁସନ୍ଧାନରେ ଆମେ ଭାଇରାଲ ଭିଡିଓକୁ ଗଭୀରତା ସହିତ ଦେଖିଲୁ। ଆମେ ଦେଖିଲୁ ଯେ ଭିଡିଓରେ PM 2 Vlogs ନାମକ ଗୋଟିଏ ୟୁଟ୍ୟୁବ ଚ୍ୟାନାଲର ଲୋଗୋ ରହିଛି। ଏହା ପରେ ଆମେ ୟୁଟ୍ୟୁବରେ ଯାଇ ସେହି ଚ୍ୟାନାଲକୁ ସର୍ଚ୍ଚ କରିଲୁ। ୨୬ ଜୁଲାଇ ୨୦୨୩ ରେ ସମାନ ଭିଡିଓ ଏହି ୟୁଟ୍ୟୁବ ଚ୍ୟାନାଲରେ ଅପ୍ଲୋଡ ହେଇଥିଲା। 

ଭିଡିଓ ଆରମ୍ଭର ୨୦ ସେକେଣ୍ଡ ପରେ, ଭାଇରାଲ ଭିଡିଓରେ ଥିବା ସମାନ ଦୁଇ ଜଣଙ୍କୁ ଦେଖିବାକୁ ମିଳୁଛି। ଉଭୟ କହୁଛନ୍ତି ଯେ ହିନ୍ଦୁ ଏବଂ ମୁସଲମାନମାନଙ୍କ ମଧ୍ୟରେ ଭେଦଭାବ ଦୂର କରିବା ଲକ୍ଷ୍ୟରେ ସେମାନେ ଏଭଳି ଭିଡିଓ ପ୍ରସ୍ତୁତ କରୁଛନ୍ତି। ସେ ଏହା ମଧ୍ୟ କହିଛନ୍ତି ଯେ ଏହି ଭିଡିଓ ମାଧ୍ୟମରେ ସେ ହିନ୍ଦୁ ଏବଂ ମୁସଲମାନମାନଙ୍କ ମଧ୍ୟରେ କେତେ ପ୍ରେମ ଅଛି ତାହା ଦର୍ଶାଇବାକୁ ଚାହୁଁଛନ୍ତି।

ଏହି ଭିଡିଓକୁ ‘ସାମାଜିକ ପରୀକ୍ଷଣ’ ନାମରେ ନାମିତ କରାଯାଇଛି, ଅର୍ଥାତ୍ ଏହା ମାଧ୍ୟମରେ ଏକ ପ୍ରକାର ସାମାଜିକ ପରୀକ୍ଷଣ କରାଯାଇଛି। ୟୁଟ୍ୟୁବରେ ଉପଲବ୍ଧ ପୁରା ଭିଡିଓ ଦେଖିବା ପରେ ଏହା ସ୍ପଷ୍ଟ ହେଉଛି ଯେ ଉଭୟେ ଝଗଡା କରିବାର ନାଟକ କରୁଛନ୍ତି।

ଭିଡିଓ ଶେଷରେ ମଧ୍ୟ ଉଭୟ କହୁଛନ୍ତି ଯେ ସେମାନେ ହିନ୍ଦୁ-ମୁସଲମାନ ମଧ୍ୟରେ ପ୍ରେମ ଦେଖାଇବା ପାଇଁ ଏଭଳି ଭିଡିଓ କରନ୍ତି।

ଭିଡିଓର ଉଦ୍ଦେଶ୍ୟ ଥିଲା ଯେ ଯଦି କୌଣସି ମୁସଲମାନ ଅଞ୍ଚଳରେ ଏପରି ଘଟଣା ଘଟେ, ତେବେ ସେହି ଅଞ୍ଚଳର ଅନ୍ୟ ମୁସଲମାନମାନେ ସେମାନଙ୍କୁ ସମର୍ଥନ କରନ୍ତି ନାହିଁ କିନ୍ତୁ ସେମାନଙ୍କୁ ରୋକିବାକୁ ଚେଷ୍ଟା କରନ୍ତି।

ଏହା ବ୍ୟତୀତ ଟୋପିରେ ଥିବା ବ୍ୟକ୍ତି ମଧ୍ୟ ଶେଷରେ ପ୍ରକାଶ କରିଛନ୍ତି ଯେ ତାଙ୍କ ନାମ ଅଜିଜ୍ ଖାନ୍ ଏବଂ ଭଗବା ଗାମଛାରେ ଥିବା ବ୍ୟକ୍ତିଙ୍କ ନାମ ପରଭେଜ୍ ଅଟେ। ତେଣୁ ଉଭୟ ମୁସଲମାନ ଅଟନ୍ତି। ସନ୍ଧାନ କରିବା ସମୟରେ, ଆମେ ପରଭେଜ ନାମକ ଏହି ବ୍ୟକ୍ତିଙ୍କ ଫେସବୁକ୍ ପ୍ରୋଫାଇଲ୍ ମଧ୍ୟ ପାଇଲୁ | ପରଭେଜ୍ ‘ଟପ୍ ବକ୍ରା’ ନାମକ ଅନ୍ୟ ଏକ ୟୁଟ୍ୟୁବ୍ ଚ୍ୟାନେଲ୍ ମଧ୍ୟ ଚଳାନ୍ତି। ପରଭେଜ୍ ‘ଟପ୍ ବକ୍ରା’ ନାମକ ଅନ୍ୟ ଏକ ୟୁଟ୍ୟୁବ୍ ଚ୍ୟାନେଲ୍ ମଧ୍ୟ ଚଳାନ୍ତି |

​ଚ୍ୟାନେଲରେ ଆଉ ଏକ ଭିଡିଓ ଅଛି, ଯେଉଁଥିରେ ଉଭୟ ପୁରୁଷଙ୍କୁ ଦେଖିହେବ। ଭାଇରାଲ ଭିଡିଓରେ ମୁସଲମାନ ଭାବରେ ପୋଜ୍ କରୁଥିବା ବ୍ୟକ୍ତି ଏକ ଭଗବା କପଡା ପିନ୍ଧିଥିବାବେଳେ ଭଗବା କପଡା ପିନ୍ଧିଥିବା ବ୍ୟକ୍ତି ଏହି ଭିଡିଓରେ ମୁସଲିମ୍ ଟୋପି ପିନ୍ଧିଥିବାର ନଜର ଆସିଛନ୍ତି। ନିମ୍ନରେ ଭିଡିଓ ଦେଖନ୍ତୁ। 

ଶେଷକଥା: 

ଆମ ଅନୁସନ୍ଧାନରୁ ପ୍ରମାଣିତ ହେଲା ଯେ ଭାଇରାଲ ଭିଡିଓରେ କରା ଯାଇଥିବା ଦାବି ମିଥ୍ୟା ଅଟେ। ଆମେ ଏହା ମଧ୍ୟ ଜାଣିବାକୁ ପାଇଲୁ ଯେ ଏହା ଏକ ନାଟକ ଭିଡିଓ ଏବଂ ପ୍ରକୃତର ଘଟଣା ନୁହେଁ। ଭିଡିଓରେ ଅଭିନୟ କରୁଥିବା ଦୁଇ ଜଣ ମୁସଲମାନ ଅଟନ୍ତି।