ଓଡ଼ିଶା ଟ୍ରେନ୍ ଦୁର୍ଘଟଣାରେ ସାମ୍ପ୍ରଦାୟିକ ରଙ୍ଗ ଦେଇ ସୋସିଆଲ ମିଡିଆରେ ଲୋକମାନେ ଏକ ପୋଷ୍ଟ ଶେୟାର କରି ଦାବି କରୁଛନ୍ତି ଯେ, ବାହାଙ୍ଗା ବଜାର ରେଳ ଷ୍ଟେସନର ଷ୍ଟେସନ ମାଷ୍ଟର ସରିଫ ଅଲି ନାମକ ଜଣେ ମୁସଲମାନ ଦୁର୍ଘଟଣାସ୍ଥଳରୁ ପଳାୟନ କରିଛନ୍ତି। ଓଡିଶାର ବାଲେଶ୍ୱର ଜିଲ୍ଲାରେ ଟ୍ରେନ୍ ଦୁର୍ଘଟଣାରେ 288 ଜଣଙ୍କର ମୃତ୍ୟୁ ଘଟିଥିବା ବେଳେ 1000 ଜଣ ଆହତ ହୋଇଥିଲେ।
ଭାଇରାଲ ପୋଷ୍ଟରେ ଜଣେ ବ୍ୟକ୍ତିର ଫୋଟୋ ମଧ୍ୟ ପୋଷ୍ଟ କରାଯାଇଛି। ପୋଷ୍ଟକୁ ସାମ୍ପ୍ରଦାୟିକ ରଙ୍ଗ ଦେଇ ସୋସିଆଲ ମିଡିଆରେ ପ୍ରଚାର କରାଯାଉଛି।
ଭାଇରାଲ ପୋଷ୍ଟ ସହିତ ଲେଖାଯାଇଛି ଯେ,- ଓଡ଼ିଶାରେ ଘଟିଥିବା ଏହି ଟ୍ରେନ୍ ଦୁର୍ଘଟଣାରେ 300 ରୁ ଅଧିକ ଲୋକ ପ୍ରାଣ ହରାଇଥିଲେ ଏବଂ 900 ରୁ ଅଧିକ ଗୁରୁତର ଆହତ ହୋଇଥିଲେ, ଯେଉଁଠାରେ ଘଟଣା ଘଟିଥିଲା ସେହି ଷ୍ଟେସନର ନାମ ବାହ୍ନାଗା ଷ୍ଟେସନ। ଏହି ଷ୍ଟେସନର ଷ୍ଟେସନ ମାଷ୍ଟରଙ୍କ ନାମ ହେଉଛି * ମହମ୍ମଦ ସରିଫ ଅହମ୍ମଦ । ଦୁର୍ଘଟଣାର ଅନୁସନ୍ଧାନ ପାଇଁ ଆଦେଶ ପରଠାରୁ ସେ ଫେରାର ଅଛନ୍ତି।
ଅନୁସନ୍ଧାନ-
ଗୁଗୁଲ୍ ରିଭର୍ସ ଇମେଜ୍ ସନ୍ଧାନରେ, ଆମେ ବିକାଶ ଚାନ୍ଦ ନାମକ ଫଟୋଗ୍ରାଫରଙ୍କ ୱେବସାଇଟରେ ଭାଇରାଲ୍ ଚିତ୍ର ପାଇଲୁ। ସବିଶେଷ ତଥ୍ୟ ଅନୁଯାୟୀ, ଏହି ଚିତ୍ର 6 ମାର୍ଚ୍ଚ 2004 ରେ ବୋରା ଗୁହୁଲୁ ଷ୍ଟେସନରେ ନିଆଯାଇଥିଲା। ଫଟୋର କ୍ୟାପସନରେ ଲେଖାଥିଲା, “ଆମେ ଷ୍ଟେସନକୁ ଯାଇ ଷ୍ଟେସନ ମାଷ୍ଟରଙ୍କ ସହ ଜଳଖିଆ ଖାଇଥିଲୁ।”
ଭାଇରାଲ୍ ଫଟୋ ପ୍ରାୟ 19 ବର୍ଷ ପୁରୁଣା ଅଟେ ଏବଂ ସମ୍ପ୍ରତି ଟ୍ରେନ୍ ଦୁର୍ଘଟଣା ସହିତ ଜଡିତ ନୁହେଁ ।
ଅଧିକ ଅନୁସନ୍ଧାନରେ ଆମେ ଏକ ଟୁଇଟ୍ ପାଇଲୁ ଯେଉଁଥିରେ ଦକ୍ଷିଣ ପୂର୍ବ ରେଳବାଇ ନିଶ୍ଚିତ କରିଛି ଯେ କୌଣସି ରେଳ କର୍ମଚାରୀ ପଳାଉ ନାହାଁନ୍ତି ଏବଂ ତଦନ୍ତରେ ସହଯୋଗ କରୁଛନ୍ତି।
ଏହି ଖବରକୁ ଖଣ୍ଡନ କରି ଦକ୍ଷିଣ ପୂର୍ବ ରେଳବାଇର ସି.ଆର.ପି. ଆଦିତ୍ୟ କୁମାର ଚୌଧରୀ କହିଛନ୍ତି, “କିଛି ଗଣମାଧ୍ୟମ ରିପୋର୍ଟ ଆସୁଛି ଯେ ବାହାନାଗାର କର୍ମଚାରୀ କର୍ମଚାରୀ ପଳାଉଛନ୍ତି ଏବଂ ନିଖୋଜ ଅଛନ୍ତି। ଏହା ବାସ୍ତବରେ ଭୁଲ ଅଟେ। ପୂରା କର୍ମଚାରୀ ଉପସ୍ଥିତ ଅଛନ୍ତି ଏବଂ ପଚରାଉଚରା ପାଇଁ ଅନୁସନ୍ଧାନକାରୀ ଏଜେନ୍ସି ସିବିଆଇରେ ହାଜର ହୋଇଛନ୍ତି। କୌଣସି କର୍ମଚାରୀ ନିଖୋଜ କିମ୍ବା ପଳାଉ ନାହାଁନ୍ତି। ଏ ସମ୍ପର୍କରେ ଗଣମାଧ୍ୟମ ରିପୋର୍ଟ ବିଭ୍ରାନ୍ତିକର।
ସ୍ପଷ୍ଟୀକରଣ ପାଇଁ ଆମେ ଦକ୍ଷିଣ ପୂର୍ବାଞ୍ଚଳ ରେଳ ବିଭାଗର ଆଦିତ୍ୟ କୁମାର ଚୌଧରୀ, (ସି.ଆର.ପି.ଓ) ଙ୍କ ସହ ଯୋଗାଯୋଗ କଲୁ। ସେ ଆମ ସହ କଥା ହୋଇଥିଲେ ଏବଂ ଭାଇରାଲ ଦାବିକୁ ଅସ୍ୱୀକାର କରିଥିଲେ। ବାହାନଗା ଷ୍ଟେସନରେ ପୋଷ୍ଟ ହୋଇଥିବା ମହମ୍ମଦ ଶରିଫ ଅଲିଙ୍କ ନାମକ କୌଣସି କର୍ମଚାରୀ କିମ୍ବା ଷ୍ଟେସନ ମାଷ୍ଟର ନାହାଁନ୍ତି ବୋଲି ସେ କହିଛନ୍ତି। SB ମହାନ୍ତି ହେଉଛନ୍ତୀ ସେହୀ ଷ୍ଟେସନର ଷ୍ଟେସନ ମାଷ୍ଟର। ଦୁର୍ଘଟଣା ପରେ ଘଟଣାସ୍ଥଳରୁ ଷ୍ଟେସନ ମାଷ୍ଟର ଫେରାର ଦାବିକୁ ମଧ୍ୟ ଅସ୍ୱୀକାର କରିଛନ୍ତି। ସେ କହିଛନ୍ତି, ଦୁର୍ଘଟଣାସ୍ଥଳରେ ଏସବି ମହାନ୍ତି ଉପସ୍ଥିତ ଥିଲେ ଏବଂ ଉଦ୍ଧାର କାର୍ଯ୍ୟରେ ସକ୍ରିୟ ଥିଲେ।
ଏଥିସହ ସେ ଆମକୁ ସ୍ପଷ୍ଟ କରିଛନ୍ତି ଯେ କୌଣସି ରେଳ କର୍ମଚାରୀ ପଳାଉ ନାହାଁନ୍ତି ଏବଂ ତଦନ୍ତରେ ସହଯୋଗ କରୁଛନ୍ତି।
ସିଦ୍ଧାନ୍ତ-
ଭାଇରାଲ ଫଟୋ ସହୀତ କରାଯାଉଥିବା ଦାବି ମିଥ୍ୟା ଅଟେ। ବାଲେଶ୍ୱର ରେଳ ଦୁର୍ଘଟଣାରେ ମହମ୍ମଦ ଶରିଫ ଅଲି ନାମରେ କୌଣସି ବ୍ୟକ୍ତି ଶାମିଲ ନାହାନ୍ତି। ଏବଂ ଭାଇରାଲ ପୋଷ୍ଟରେ ଦେଖାଯାଉଥିବା ଫଟୋ 19 ବର୍ଷ ପୁରୁଣା ଅଟେ।
Title:ବାଲେଶ୍ୱର ରେଳ ଦୁର୍ଘଟଣାରେ ମହମ୍ମଦ ଶରିଫ ଅଲି ନାମରେ କୌଣସି ବ୍ୟକ୍ତି ଶାମିଲ ନାହାନ୍ତି, ଏବଂ ଭାଇରାଲ ଫଟୋ 19 ବର୍ଷ ପୁରୁଣା ଅଟେ।
Written By: Sarita SamalResult: False
