କ’ଣ ଭାଇରାଲ ଫୋଟୋ ନିକଟରେ ଲଦାଖରେ ଗୋଟିଏ ସେନାବାହିନୀ ଗାଡ଼ି ଦୁର୍ଘଟଣାର ଦୃଶ୍ୟ? ଜାଣନ୍ତୁ ସତ୍ୟ। 

ଲଦାଖରେ ଏକ ସେନାବାହିନୀ ଗାଡିର ଏକ ଦୁଖଦ ଦୁର୍ଘଟଣାରେ ଜୁନିଅର କମିଶନ ଅଫିସର (ଜେସିଓ) ଏବଂ ୮ ଜଣ ସୈନିକ ନିଜ ମୂଲ୍ୟବାନ ଜୀବନ ହରାଇଛନ୍ତି। ଲଦାଖର ନିଓମା ଅଞ୍ଚଳରେ ଏହି ଦୁର୍ଘଟଣା ଘଟିଥିଲା ଯେଉଁଥିରେ ଏକ ସାମରିକ ଗାଡି ରାସ୍ତାରୁ ଖସି ଏକ ଗଭୀର ଉପତ୍ୟକାକୁ ଖସିପଡିଥିଲା

ଏହି ପ୍ରସଙ୍ଗରେ, ସୋସିଆଲ ମିଡିଆରେ କ୍ଷତିଗ୍ରସ୍ତ ସାମରିକ ଯାନର ଗୋଟିଏ ଫୋଟୋ ଭାଇରାଲ ହେଉଛି। ଏହା ନିକଟରେ ଲାଦାଖରେ ଘଟିଥିବା ଏକ ଘଟଣା ବୋଲି ଦାବି କରା ଯାଉଛି। 

କିନ୍ତୁ ଫ୍ୟାକ୍ଟ କ୍ରିଷେଣ୍ଡୋ ଭାଇରାଲ ଦାବିକୁ ଭ୍ରମାତ୍ମକ ବୋଲି ପାଇଲା। ଭାଇରାଲ ଫୋଟୋ ସିକ୍କିମରେ ଘଟିଥିବା ଗୋଟିଏ ପୁରୁଣା ଦୁର୍ଘଟଣାର ଫୋଟୋ ଅଟେ। 

କ’ଣ ଦାବି କରା ଯାଇଛି ପୋଷ୍ଟରେ?

ଫୋଟୋ ସେୟାର କରି ସୋସିଆଲ ମିଡିଆ ବ୍ୟବହାରକାରୀ ମାନେ ଦାବି କରୁଛନ୍ତି ଯେ ଏହା ନିକଟରେ ଲଦାଖରେ ସେନା ବାହିନୀ ଗାଡ଼ି ଦୁର୍ଘଟଣାର ଫୋଟୋ ଅଟେ। 

Facebook | Archive

ଆମ ଅନୁସନ୍ଧାନ: 

ଆମ ଅନୁସନ୍ଧାନରେ ପ୍ରଥମେ ଆମେ ଭାଇରାଲ ଫୋଟୋର ଗୁଗୁଲ ରିଭର୍ସ ଇମେଜ୍ ସର୍ଚ୍ଚ କରିଲୁ। ଫଳାଫଳରେ ଆମକୁ ସମାନ ଫୋଟୋ ହିନ୍ଦୁସ୍ତାନ ଟାଇମ୍ସ ପତ୍ରିକାରେ ୨୩ ଡିସେମ୍ବର ୨୦୨୨ ରେ ପ୍ରକାଶିତ ହେଇଥିବା ମିଳିଲା। ରିପୋର୍ଟ ଅନୁଯାୟୀ, ଏହି ଘଟଣା ଉତ୍ତର ସିକ୍କିମରେ ଘଟିଥିଲା। ଏହି ଦୁର୍ଘଟଣାରେ ୧୬ ସୈନିକ ପ୍ରାଣ ହରାଇଲେ। ସୈନିକମାନଙ୍କୁ ନେଇ ଯାଉଥିବା ଗୋଟିଏ  ଟ୍ରକ ଚାଟେନରୁ ଥାଙ୍ଗୁ ଅଞ୍ଚଳ ଆଡକୁ ଯାଉଥିଲା। ଟ୍ରକଟି ଘାଟି ରାସ୍ତାରେ ଯାଉଥିବା ସମୟରେ ଉପତ୍ୟକାକୁ ଖସିପଡିଥିଲା

ଦୁର୍ଘଟଣାର ସମାନ ଦୃଶ୍ୟ ଦି ଇକୋନୋମିକ୍ ଟାଇମ୍ସ ୟୁଟ୍ୟୁବ୍ ଚ୍ୟାନେଲରେ ମଧ୍ୟ ଦେଖିବାକୁ ମିଳିଲା। ୨୩ ଡିସେମ୍ବର ୨୦୨୨ ରେ ଇକୋନୋମିକ୍ ଟାଇମ୍ସ ରିପୋର୍ଟ କରିଛି ଯେ ସେହି ଦିନ ଉତ୍ତର ସିକ୍କିମର ଜେମାରେ ଯବାନ ମାନଙ୍କୁ ନେଇ ଯାଉଥିବା ଗାଡି ଦୁର୍ଘଟଣାର ସମ୍ମୁଖୀନ ହୋଇଥିଲା। ଏହି ଦୁର୍ଘଟଣାରେ ୧୬ ସୈନିକ ପ୍ରାଣ ହରାଇଲେ। ଏକ 3-ଯାନବାହନ ଚଳାଚଳ, ଚାଟେନରୁ ଥାଙ୍ଗୁ ଅଭିମୁଖେ ଯାଉଥିଲାବେଳେ ଗୋଟିଏ ଗାଡି ଘାଟିରେ ଖସି ଯାଇଥିଲା। ଉଦ୍ଧାର କାର୍ଯ୍ୟ କରାଯାଇ ୪ ଜଣ ସୈନିକଙ୍କୁ ଉଦ୍ଧାର କରି ସ୍ଥାନାନ୍ତର କରାଯାଇଥିଲା

ଲଦାଖରେ ନିକଟରେ ହେଇଛି ଭାରତ ସେନାର ଏକ ଗାଡ଼ି। 

ଇଣ୍ଡିଆ ଟୁଡେ ଅନୁଯାୟୀ, ସେନା ଯବାନଙ୍କୁ ନେଇ ଯାଉଥିବା ଗାଡି ରାସ୍ତାରୁ ଖସି ଏକ ଗଭୀର ଘାଟିରେ ଖସିପଡିଛି ଯେଉଁଥିରେ ୯ ଜଣ ସୈନିକ ପ୍ରାଣ ହରାଇଛନ୍ତି। ୧୯ ଅଗଷ୍ଟରେ ଲେହର କ୍ଯାରି ସହର ନିକଟରେ ଘଟିଥିବା ଏହି ଦୁଖଦ ଦୁର୍ଘଟଣାରେ ଜଣେ JCO ଏବଂ ୮ ସୈନିକଙ୍କର ମୃତ୍ୟୁ ଘଟିଛି।

ଶେଷକଥା: 

ଫ୍ୟାକ୍ଟ କ୍ରିଷେଣ୍ଡୋ ଭାଇରାଲ ଦାବିକୁ ଭ୍ରମାତ୍ମକ ବୋଲି ପାଇଲା। ଯଦିଓ ଏହା ସତ୍ୟ ଯେ ଲେହରେ ଏକ ସେନା ଗାଡିର ଦୁର୍ଘଟଣା ଘଟିଛି କିନ୍ତୁ ଭାଇରାଲ ହେଉଥିବା ଫୋଟୋ ସମାନ ଘଟଣାର ନୁହେଁ। ଏହା ଗତ ବର୍ଷ ସିକ୍କିମର ଗୋଟିଏ ଦୁର୍ଘଟଣାର ଫୋଟୋ ଅଟେ।