୨୦୨୪ ସାଧାରଣ ନିର୍ବାଚନ ମଧ୍ୟରେ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ବିଷୟରେ ଖବର ପ୍ରସାରଣ କରୁଥିବା ଏକ ଖବରକାଗଜ କ୍ଲିପ୍ ସୋସିଆଲ ମିଡିଆରେ ଭାଇରାଲ ହେଉଛି। ହେଡଲାଇନରେ ଲେଖା ଅଛି, “ମମତା ବାନାର୍ଜୀଙ୍କ ପ୍ରକୃତ ନାମ କେହି ଜାଣନ୍ତି ନାହିଁ।”
ଆଗକୁ ଖବରକାଗଜ କ୍ଲିପ୍ରେ ଦର୍ଶାଯାଇଛି ଯେ ମମତା ବ୍ୟାନେର୍ଜିଙ୍କ ପ୍ରକୃତ ନାମ ହେଉଛି ମୁମତାଜ ମାସାମା ଖାତୁନ୍। ଏହା ମଧ୍ୟ ଦାବି କରାଯାଇଥିଲା ଯେ ୱିକିପିଡ଼ିଆରେ ମମତା ବାନାର୍ଜୀଙ୍କ ଧର୍ମ ମୁସଲମାନ ବୋଲି ଉଲ୍ଲେଖ କରାଯାଇଛି ଯାହାକୁ ହଟାଇ ଦିଆଯାଇଛି।
କିନ୍ତୁ ଫ୍ୟାକ୍ଟ କ୍ରିଷେଣ୍ଡୋ ଭାଇରାଲ ଦାବିକୁ ମିଥ୍ୟା ବୋଲି ପାଇଲା। ମମତା ବ୍ୟାନେର୍ଜିଙ୍କ ପ୍ରକୃତ ନାମ ମୁମତାଜ ମାସାମା ଖାତୁନ୍ ନୁହେଁ।
ସମାନ ପୋଷ୍ଟ ଆମକୁ ଏପ୍ରିଲ୍ ମାସରେ ମଧ୍ୟ ଭାଇରାଲ ହେଉଥିବା ଦେଖିବାକୁ ମିଳିଲା। ନିମ୍ନରେ ଆପଣ ମାନେ ସେହି ପୋଷ୍ଟ ଦେଖି ପାରିବେ।
ଆମ ଅନୁସନ୍ଧାନ:
ପ୍ରଥମେ ଆମେ ମାଈ ନେତା ୱେବସାଇଟରେ ମମତା ବାନାର୍ଜୀଙ୍କ ବିବରଣୀ ଖୋଜିଲୁ। ଆମେ ଜାଣିବାକୁ ପାଇଲୁ ଯେ ପଶ୍ଚିମବଙ୍ଗର ମୁଖ୍ୟମନ୍ତ୍ରୀଙ୍କ ପାଇଁ ଉଲ୍ଲେଖ କରାଯାଇଥିବା ନାମ ହେଉଛି ମମତା ବାନାର୍ଜୀ ଏବଂ ମୁମ୍ତାଜ ମାସାମା ଖାତୁନ ନୁହେଁ।
ଭାରତର ନିର୍ବାଚନ ଆୟୋଗର ୱେବସାଇଟରେ ମଧ୍ୟ ଆମେ ସମାନ ସୂଚନା ପାଇଲୁ। ତାଙ୍କ ନାମ ମମତା ବ୍ୟାନେର୍ଜି ଭାବରେ ଉଲ୍ଲେଖ କରାଯାଇଛି ଏବଂ ତାଙ୍କ ଆବେଦନ ୨୦୨୧ ରେ ୱେବସାଇଟରେ ଅପଲୋଡ୍ ହୋଇଥିଲା। ମମତା ବାନାର୍ଜୀ ଅଲ ଇଣ୍ଡିଆ ତ୍ରିନାମୂଳ କଂଗ୍ରେସ (ଏଆଇଟିସି) ଦଳର ପ୍ରତିନିଧିତ୍ୱ କରନ୍ତି ଏବଂ ତାଙ୍କ ନିର୍ବାଚନମଣ୍ଡଳୀ ପଶ୍ଚିମବଙ୍ଗର ନନ୍ଦିଗ୍ରାମ ଅଟେ।
ଏହା ବ୍ୟତୀତ, ଆମେ ମାର୍ଚ୍ଚ ୨୦୨୧ ରେ ମମତା ବ୍ୟାନେର୍ଜିଙ୍କ ଦ୍ଵାରା ଦାଖଲ କରା ଯାଇଥିବା ନାମାଙ୍କନ ପତ୍ର ମଧ୍ୟ ପାଇଲୁ। ଏଠାରେ ପ୍ରାର୍ଥୀଙ୍କ ନାମ ମମତା ବ୍ୟାନେର୍ଜି ଭାବରେ ଉଲ୍ଲେଖ କରାଯାଇଛି, ମୁମତାଜ ମାସାମା ଖାତୁନ ନୁହେଁ।
ସିଦ୍ଧାନ୍ତ:
ଆମ ଅନୁସନ୍ଧାନରୁ ପ୍ରମାଣିତ ହେଲା ଯେ ଭାଇରାଲ ଦାବି ମିଥ୍ୟା ଅଟେ। ମମତା ବ୍ୟାନେର୍ଜିଙ୍କ ପ୍ରକୃତ ନାମ ମୁମତାଜ ମାସାମା ଖାତୁନ ନୁହେଁ। ଭାରତର ନିର୍ବାଚନ ଆୟୋଗରେ ତାଙ୍କ ନାମ ମମତା ବ୍ୟାନେର୍ଜି ବୋଲି ପଞ୍ଜୀକୃତ ହେଇଛି।
Title:କ’ଣ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବ୍ୟାନେର୍ଜିଙ୍କ ପ୍ରକୃତ ନାମ ମୁମତାଜ ମାସାମା ଖାତୁନ୍ ଅଟେ? ଜାଣନ୍ତୁ ସତ୍ୟତା।
Fact Check By: Siddharth SahuResult: False
