ନିକଟରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବ୍ୟାନେର୍ଜି ପ୍ରଧାନମନ୍ତ୍ରୀଙ୍କୁ ନିନ୍ଦା କରି କହିଥିଲେ ଯେ ଯେତେବେଳେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଠିଆ ହୋଇଥିଲେ ସେତେବେଳେ ମୋଦୀ ଚେୟାରରେ ବସି ରହି ତାଙ୍କ ଅପମାନ କରିଥିଲେ। ମମତା ବ୍ୟାନେର୍ଜି ଏକ ଫଟୋ ମଧ୍ୟ ସାମନାକୁ ଆଣିଥିଲେ ଯେଉଁଥିରେ ପ୍ରଧାନମନ୍ତ୍ରୀ ମୋଦୀ, ଏଲକେ ଆଡଭାନୀ ବସିଥିବା ସମୟରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଠିଆ ହୋଇଛନ୍ତି।
କିନ୍ତୁ ଫ୍ୟାକ୍ଟ କ୍ରିଷେଣ୍ଡୋ ଭାଇରାଲ ଦାବିକୁ ବିଭ୍ରାନ୍ତକାରୀ ବୋଲି ଜାଣିବାକୁ ପାଇଲା। ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏଲ.କେ ଆଡଭାନୀଙ୍କୁ ପୁରସ୍କାର ପ୍ରଦାନ କରିବା ପୂର୍ବରୁ ଏବଂ ପରେ ଚେୟାରରେ ବସିଥିଲେ। ସେ କେବଳ ଏଲ.କେ ଆଡଭାନୀଙ୍କୁ ପୁରସ୍କାର ପ୍ରଦାନ କରିବା ସମୟରେ ଠିଆ ହୋଇଥିଲେ।
ଆମ ଅନୁସନ୍ଧାନ:
ଆମ ଅନୁସନ୍ଧାନରେ ପ୍ରଥମେ ଆମେ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କର ଅଫିସିଆଲ ଟୁଇଟର ଏକାଉଣ୍ଟ ସର୍ଚ୍ଚ କରିଲୁ। ସେଠାରେ ଆମକୁ ସମାନ ଅବସରର ୪ ଟି ଫୋଟୋ ଟୁଇଟ ହେଇଥିବା ମିଳିଲା। ଏହି ପୋଷ୍ଟରେ ଉଲ୍ଲେଖ କରାଯାଇଛି ଯେ ସମାରୋହଟି ଏଲ୍ କେ ଆଡଭାନୀଙ୍କ ବାସଭବନରେ ଅନୁଷ୍ଠିତ ହୋଇଥିଲା, ଯେଉଁଥିରେ ଉପରାଷ୍ଟ୍ରପତି ଜଗଦୀପ ଧନକର, ପ୍ରଧାନମନ୍ତ୍ରୀ ମୋଦୀ, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ, ଗୃହମନ୍ତ୍ରୀ ଅମିତ ଶାହା ଉପସ୍ଥିତ ଥିଲେ।
ଟୁଇଟର ଚତୁର୍ଥ ଫୋଟୋରେ ରାଷ୍ଟ୍ରପତି ମୁର୍ମୁ, ଏଲ.କେ.ଆଡଭାନୀ ଏବଂ ପ୍ରଧାନମନ୍ତ୍ରୀ ମୋଦୀ ଚେୟାରରେ ବସିଥିବା ଦେଖିବାକୁ ମିଳିଛି। ଏହି ଫୋଟୋରେ ଆଡଭାନୀଙ୍କ ବେକରେ ଏକ ପଦକ ଅଛି ଯାହା ଦ୍ଵାରା ସ୍ପଷ୍ଟ ହେଉଛି ଯେ ଆଡଭାନୀଜିଙ୍କୁ ପଦକ ଦେବା ପାରେ ରାଷ୍ଟ୍ରପତି ମୁର୍ମୁ ଚେୟାରରେ ବସିଛନ୍ତି।
ସମାରୋହର ଏକ ବିସ୍ତୃତ ଭିଡିଓ ପିଏମ ମୋଦୀଙ୍କ ଅଫିସିଆଲ ୟୁଟ୍ୟୁବ ଚ୍ୟାନେଲରେ ମଧ୍ୟ ପୋଷ୍ଟ କରାଯାଇଛି, ଯାହା ମଧ୍ୟ ନିଶ୍ଚିତ କରେ ଯେ ରାଷ୍ଟ୍ରପତି ମୁର୍ମୁ, ଆଡଭାନୀଙ୍କୁ ଭାରତ ରତ୍ନଙ୍କ ଦେବା ପୂର୍ବରୁ ଚେୟାରରେ ବସିଥିଲେ।
ଆମକୁ ଦି ହିନ୍ଦୁ ୱେବସାଇଟରେ ଏକ ରିପୋର୍ଟ ପ୍ରକାଶିତ ହେଇଥିବା ମିଳିଲା। ରିପୋର୍ଟ ଅନୁଯାୟୀ, ପ୍ରଧାନମନ୍ତ୍ରୀ କେବଳ ରାଷ୍ଟ୍ରପତି ଭବନର ପ୍ରୋଟୋକଲ୍ ଅନୁସରଣ କରୁଥିଲେ। ପୂର୍ବତନ ରାଷ୍ଟ୍ରପତି ରାମନାଥ କୋବିନ୍ଦଙ୍କ ପୂର୍ବତନ ପ୍ରେସ ସେକ୍ରେଟାରୀ ଅଶୋକ ମଲିକ ଟୁଇଟ ରେ କହିଛନ୍ତି ଯେ ରାଷ୍ଟାପାଟୀ ଭବନ ପ୍ରୋଟୋକଲରେ ରାଷ୍ଟ୍ରପତି ଏବଂ ପୁରସ୍କାର ପ୍ରାପ୍ତକର୍ତ୍ତା ଉଭୟ ଛିଡା ହୋଇଥିବାବେଳେ ଉପରାଷ୍ଟ୍ରପତି ତଥା ପ୍ରଧାନମନ୍ତ୍ରୀଙ୍କ ସମେତ ଅନ୍ୟ ଅତିଥିମାନେ ବସିଛନ୍ତି। ଯଦି ପ୍ରାପ୍ତକର୍ତ୍ତା ବୃଦ୍ଧ କିମ୍ବା ଅବହେଳିତ ତେବେ ସେ ବସି ରହିପାରନ୍ତି। ଏହି ଘଟଣା ରାଷ୍ଟ୍ରପତି ଭବନରେ ହୋଇନଥିଲା, କିନ୍ତୁ ନିଶ୍ଚିତ ଭାବେ ସାଧାରଣ ପ୍ରୋଟୋକଲ୍ ପାଳନ କରାଯାଇଥିଲା ବୋଲି ସେ କହିଛନ୍ତି।
ସିଦ୍ଧାନ୍ତ:
ଆମ ଅନୁସନ୍ଧାନରୁ ପ୍ରମାଣିତ ହେଲା ଯେ ଭାଇରାଲ ଦାବି ବିଭ୍ରାନ୍ତକାରୀ ଅଟେ। ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏଲ.କେ ଆଡଭାନୀଙ୍କୁ ପୁରସ୍କାର ପ୍ରଦାନ କରିବା ପୂର୍ବରୁ ଏବଂ ପରେ ଚେୟାରରେ ବସିଥିଲେ। ସେ କେବଳ ଏଲ.କେ ଆଡଭାନୀଙ୍କୁ ପୁରସ୍କାର ପ୍ରଦାନ କରିବା ସମୟରେ ଠିଆ ହୋଇଥିଲେ।
Title: ରାଷ୍ଟ୍ରପତି ଦ୍ରୌପଦୀ ମୁର୍ମୁ ଠିଆ ହୋଇଥିବା ବେଳେ ପ୍ରଧାନମନ୍ତ୍ରୀ ମୋଦୀ ଚେୟାର ରେ ବସି ତାଙ୍କ ଅପମାନ କରିଥିବା ଦାବି ବିଭ୍ରାନ୍ତକାରୀ ଅଟେ।
Fact Check By: Siddharth Sahu
Result: Misleading
