କ’ଣ Taurine ଯାହା ଷ୍ଟିଙ୍ଗରେ ଉପାଦାନ ପରି ମିଶା ଯାଏ ସ୍ୱାସ୍ଥ୍ୟ ପାଇଁ କ୍ଷତିକାରକ? ଜାଣନ୍ତୁ ସତ୍ୟତା। 

ସମ୍ପ୍ରତି ସମୟରେ ସୋସିଆଲ ମିଡିଆ ୟୁଜର ମାନେ ଦାବି କରୁଛନ୍ତି ଯେ ଷ୍ଟିଙ୍ଗ ଏନର୍ଜି ଡ୍ରିଙ୍କସ୍‌ରେ Taurine ପରି କ୍ଷତିକାରକ ଉପାଦାନ ରହିଛି। ଏହି ଉପାଦାନ କିଡନି ଏବଂ ହୃଦୟ ରୋଗର ଏକ ବିଶେଷ କାରଣ। ଏହା ଶିଶୁଙ୍କ ପାଇଂ ମଧ୍ୟ ଗମ୍ଭୀର ଭାବରେ କ୍ଷତିକାରକ ବୋଲି କୁହା ଯାଉଛି। 

କିନ୍ତୁ ଫ୍ୟାକ୍ଟ କ୍ରିଷେଣ୍ଡୋ ଭାଇରାଲ ଦାବିକୁ ମିଥ୍ୟା ବୋଲି ପାଇଲା। ଏଫଡ଼ିଏ ଏବଂ ଇଏଫଏସଏ ପରି ଖାଦ୍ୟ ସୁରକ୍ଷା ନିୟାମକ ସଂସ୍ଥା Taurine କୁ ଷ୍ଟିଙ୍ଗ ଏବଂ ଅନ୍ୟାନ୍ୟ ଏନର୍ଜି ଡ୍ରିଂକ୍ସ ରେ ବ୍ୟବହାର କରିବା ଅନୁମତି ଦେଇଛନ୍ତି। ସୀମା ମଧ୍ୟରେ ବ୍ୟବହାର କଲେ ଏହାକୁ ନିରାପଦ ବୋଲି କୁହା ଯାଇଛି। 

Facebook | Archive

ଆମ ଅନୁସନ୍ଧାନ: 

ଜାତୀୟ ସ୍ୱାସ୍ଥ୍ୟ ପ୍ରତିଷ୍ଠାନ‌ (NIH) ଏନର୍ଜି ଡ୍ରିଙ୍କସ୍‌ରେ ପ୍ରାୟତଃ ଉଚ୍ଚ ପରିମାଣର କ୍ୟାଫିନ୍ ଏବଂ ଟୌରିନ୍, ଏକ ଆମିନୋ ଏସିଡ୍ ଥାଏ। ଯଦିଓ ଟାଉରିନ୍ ଶରୀରରେ ପ୍ରାକୃତିକ ଭାବରେ ଉପସ୍ଥିତ ଥାଏ ଏବଂ ବିଭିନ୍ନ ଶାରୀରିକ ପ୍ରକ୍ରିୟାରେ ଏହାର ଭୂମିକା ରହିଛି। ଏହାର ପ୍ରଭାବ, ବିଶେଷକରି କ୍ୟାଫିନ୍ ସହିତ ମିଶ୍ରିତ ହେଲେ, ସମ୍ପୂର୍ଣ୍ଣ ରୂପେ ବୁଝାଯାଇ ନାହିଁ ଯାହା ଫଳରେ ମସ୍ତିଷ୍କ ଉପରେ ଏହି ପଦାର୍ଥଗୁଡ଼ିକର ପ୍ରଭାବ ଏକ ଚିନ୍ତାର ବିଷୟ। ଅତ୍ୟଧିକ ସେବନ ପ୍ରତିକୂଳ ପ୍ରଭାବ ପକାଇପାରେ। ଯୁବପିଢ଼ିଙ୍କ ସ୍ୱାସ୍ଥ୍ୟ ଉପରେ ଏନର୍ଜି ଡ୍ରିଙ୍କ୍ ସେବନର ପ୍ରଭାବକୁ ଭଲ ଭାବରେ ବୁଝିବା ପାଇଁ NIH ଅଧିକ ଗବେଷଣା ପାଇଁ ଆହ୍ୱାନ କରିଛି।

ସିଆଟେଲ୍ ଚିଲ୍‌ଡ୍ରେନ୍‌ସ୍ ହସ୍ପିଟାଲ୍‌ର ବିଶେଷଜ୍ଞମାନେ ସ୍ୱାସ୍ଥ୍ୟ ବିପଦ ପାଇଁ ପିଲା ମାନଙ୍କୁ ଏନର୍ଜି ଡ୍ରିଂକ୍ସ ପିଇବା ବିରୁଦ୍ଧରେ ପରାମର୍ଶ ଦେଇଛନ୍ତି। ଏହି ପାନୀୟଗୁଡ଼ିକରେ ପ୍ରାୟତଃ ଉଚ୍ଚ ପରିମାଣର କ୍ୟାଫିନ୍ ଏବଂ ଟୌରିନ୍ ଥାଏ, ଯାହା ଅସ୍ଥିରତା, ଥରିବା, ପେଟ ଯନ୍ତ୍ରଣା, ମୁଣ୍ଡବିନ୍ଧା ଭଳି ଲକ୍ଷଣ ସୃଷ୍ଟି କରିପାରେ। କିଛି କ୍ଷେତ୍ରରେ, ଏହା ଅନିୟମିତ ହୃଦ୍‌ ସ୍ପନ୍ଦନ କିମ୍ବା ଅନ୍ୟାନ୍ୟ ଗୁରୁତର ହୃଦ୍‌ ସମ୍ପର୍କୀୟ ସମସ୍ୟା ସୃଷ୍ଟି କରିପାରେ। କିଛି କ୍ୟାନ୍‌ରେ ପିଲାମାନଙ୍କ ପାଇଁ FDA ଦ୍ୱାରା ସୁପାରିଶ କରାଯାଇଥିବା ଦୈନିକ ସୀମା ଅପେକ୍ଷା ଅଧିକ କ୍ୟାଫିନ୍ ଥାଇପାରେ, ଏବଂ ସେଥିରେ ପ୍ରାୟତଃ ଅଧିକ ପରିମାଣରେ ଚିନି ଥାଏ। ଆମେରିକୀୟ ପିଡିଆଟ୍ରିକ୍ସ ଏକାଡେମୀ ସୁପାରିଶ କରେ ଯେ ୧୨ ବର୍ଷରୁ କମ୍ ବୟସ୍କ ପିଲାମାନେ କ୍ୟାଫିନରୁ ସମ୍ପୂର୍ଣ୍ଣ ଭାବରେ ଦୁରେଇ ରହିବା ଉଚିତ୍, ଏବଂ ୧୨ ରୁ ୧୮ ବର୍ଷ ବୟସ୍କ ପିଲାମାନେ ପ୍ରତିଦିନ ୧୦୦ ମିଲିଗ୍ରାମରୁ ଅଧିକ ସେବନ କରିବା ଉଚିତ ନୁହେଁ। 

ୟୁରୋପୀୟ ଖାଦ୍ୟ ସୁରକ୍ଷା କର୍ତ୍ତୃପକ୍ଷ (EFSA) ଏନେର୍ଜି ଡ୍ରିଂକ୍ସରେ ଅନ୍ୟାନ୍ୟ ଉପାଦାନ ସହିତ ମିଶ୍ରଣରେ ଟୌରିନର ସୁରକ୍ଷା ମୂଲ୍ୟାଙ୍କନ କରିଛି। ୨୦୦୯ ମସିହାରେ, EFSA ସିଦ୍ଧାନ୍ତରେ ପହଞ୍ଚିଥିଲା ​​ଯେ ଯେତେବେଳେ ଏନର୍ଜି ଡ୍ରିଂକ୍ସରେ କିଛି ସ୍ତରରେ ଟୌରିନ ବ୍ୟବହାର କରାଯାଏ, ଏହା ସୁରକ୍ଷା ଚିନ୍ତା ସୃଷ୍ଟି କରେ ନାହିଁ। ତଥାପି, ଏହା ମଧ୍ୟ ସାମ୍ନାକୁ ଆସିଥିଲା ​​ଯେ ଟୌରିନର ଅତ୍ୟଧିକ ମାତ୍ରାରେ ସେବନ ବିପଦ ବହନ କରିପାରେ। କେତେ ପରିମାଣର ଟୌରିନ ବ୍ୟବହାର କରାଯାଏ ଏବଂ କେଉଁ ଉପାଦାନ ସହିତ ମିଶ୍ରଣ କରାଯାଏ ତାହା ଯାଞ୍ଚ କରିବା ଗୁରୁତ୍ୱପୂର୍ଣ୍ଣ ବୋଲି EFSA କହିଛି। EFSA ଏନର୍ଜି ଡ୍ରିଂକ୍ସରେ ଟୌରିନର ବ୍ୟବହାରକୁ ଅନୁମୋଦନ କରିଛି ​​କିନ୍ତୁ ନିର୍ଦ୍ଧାରିତ ସୀମା ମଧ୍ୟରେ ଏହାର ବ୍ୟବହାର ଏବଂ ସେବନର ନିର୍ଦେଶ ଦେଇଛି।

ଅନ୍ୟ ଏକ ରିପୋର୍ଟ ଅନୁଯାୟୀ, Taurine ହେଉଛି ଏକ ଆମିନୋ ଏସିଡ୍ ଯାହା ଶରୀର ପ୍ରାକୃତିକ ଭାବରେ ତିଆରି କରେ ଏବଂ ମାଂସ ଏବଂ ମାଛ ଭଳି ପ୍ରୋଟିନ୍ ଯୁକ୍ତ ଖାଦ୍ୟରୁ ମଧ୍ୟ ମିଳିଥାଏ। ଏହାକୁ କିଛି ଏନର୍ଜି ଡ୍ରିଂକ୍ସରେ ବ୍ୟବହାର କରାଯାଏ, ଏବଂ ମଧ୍ୟମ ପରିମାଣରେ ଏହାକୁ ଆମେରିକାରେ ସୁରକ୍ଷିତ ବୋଲି ବିବେଚନା କରାଯାଏ।

ଆମେରିକାର ଖାଦ୍ୟ ଏବଂ ଔଷଧ ପ୍ରଶାସନ (FDA) ନିର୍ଣ୍ଣୟ କରିଛି ଯେ ଟୌରିନକୁ ବର୍ଦ୍ଧିତ ଜଳ ପାନୀୟରେ ଏକ ଉପାଦାନ ଭାବରେ ବ୍ୟବହାର ପାଇଁ ସାଧାରଣତଃ ନିରାପଦ ଭାବରେ ଚିହ୍ନଟ କରାଯାଇଛି (GRAS)। ଏକ ବିଶେଷଜ୍ଞ ପ୍ୟାନେଲ ଦ୍ୱାରା ଟୌରିନର ସୁରକ୍ଷା ଏବଂ ବ୍ୟବହାର ସ୍ତର ଉପରେ ଅଧ୍ୟୟନ ସମେତ ଉପଲବ୍ଧ ବୈଜ୍ଞାନିକ ତଥ୍ୟର ମୂଲ୍ୟାଙ୍କନ ଦ୍ୱାରା GRAS ନିର୍ଣ୍ଣୟକୁ ସମର୍ଥନ କରାଯାଇଥିଲା। ପ୍ରତି ବ୍ୟକ୍ତି ପ୍ରାୟ ୧୫.୯ ମିଲିଗ୍ରାମ Taurine ଦୈନିକ ଗ୍ରହଣ କରିପାରିବ ବୋଲି ସ୍ତର ସ୍ଥିର କରାଯାଇଛି। 

ସିଦ୍ଧାନ୍ତ: 

ଆମ ଅନୁସନ୍ଧାନରୁ ପ୍ରମାଣିତ ହେଲା ଯେ ଭାଇରାଲ ଦାବି ମିଥ୍ୟା ଅଟେ। ଷ୍ଟିଙ୍ଗ ଏବଂ ଅନ୍ୟ ଏନର୍ଜି ଡ୍ରିଂକ୍ସରେ Taurine ର ବ୍ୟବହାରକୁ ଅନୁମତି ଦିଆ ଯାଇଛି ଏବଂ ଅନେକ ଅଧ୍ୟୟନ ପରେ Taurine ର ବ୍ୟବହାର କ୍ଷତିକାରକ ନୁହେଁ ବୋଲି ଜଣା ପଡ଼ୀଛି।