ନିକଟରେ, ଆମେରିକୀୟ ମହାକାଶ ସଂସ୍ଥା ନାସାର ମହାକାଶଚାରୀ ସୁନିତା ୱିଲିୟମ୍ସ ଏବଂ ବୁଚ୍ ୱିଲମୋର ୯ ମାସ ପରେ ପୃଥିବୀକୁ ଫେରିଛନ୍ତି। ସେମାନେ ଫ୍ଲୋରିଡା ଉପକୂଳରେ ସଫଳ ଅବତରଣ କରିଥିଲେ। ତାଙ୍କ ଫେରିବାର ଆନନ୍ଦ ସବୁଠି ପାଳନ କରାଯାଉଛି।
ଏହି ପ୍ରସଙ୍ଗରେ, ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେଉଛି, ଯେଉଁଥିରେ ଏକ ରକେଟ୍ ପରି କିଛି ମହାକାଶରୁ ପୃଥିବୀକୁ ଆସି ସୁରକ୍ଷିତ ଭାବରେ ଅବତରଣ କରୁଥିବା ଦେଖବାକୁ ମିଳିଛି। ଦାବି କରା ଯାଉଛି ଯେ ଏହି ଭିଡିଓଟି ସୁନିତା ୱିଲିୟମ୍ସଙ୍କ ଫେରିବାର ଦୃଶ୍ୟ ପୋଷ୍ଟଟି ସେୟାର କରିବା ସମୟରେ, କ୍ୟାପସନରେ ଲେଖାଯାଇଛି, “ସୁନିତା ଫେରି ଆସିଲେ।”
ଆମ ଅନୁସନ୍ଧାନ:
ତଦନ୍ତ ଆରମ୍ଭରେ, ଆମେ ପ୍ରଥମେ ଜାଣିବାକୁ ଚେଷ୍ଟା କରିଥିଲୁ ଯେ ସୁନିତା ୱିଲିୟମ୍ସଙ୍କ ଅବତରଣ କିପରି ଘଟିଥିଲା। ଏଥିପାଇଁ, ସୁନିତା ୱିଲିୟମ୍ସଙ୍କର ଫେରି ଆସିବା ସମୟର ଭିଡିଓ ଆମେ ଯାଞ୍ଚ କରିଲୁ। ତଦନ୍ତ କରିବା ପରେ, ଆମେ NASA ର ଅଫିସିଆଲ ୟୁଟ୍ୟୁବ ଚ୍ୟାନେଲରେ ‘କ୍ରୁ ୯’ ର ଫେରିବାର ସମ୍ପୂର୍ଣ୍ଣ ଭିଡିଓ ପାଇଲୁ। ଭିଡିଓଟି ୧୯ ମାର୍ଚ୍ଚ ତାରିଖରେ ଅପଲୋଡ୍ କରାଯାଇଥିଲା। ଏହି ଭିଡିଓରେ, ଦେଖାଯାଉଛି ଯେ ସେ ଏକ କ୍ୟାପସୁଲରେ ଫେରି ଆସିଥିଲେ ଯାହା ପାଣିରେ ପଡ଼ିଥିଲା। ଏହି ଭିଡିଓରେ, ନାସାର ମହାକାଶଚାରୀ ନିକ୍ ହେଗ୍, ସୁନିତା ୱିଲିୟମ୍ସ, ବୁଚ୍ ୱିଲମୋର ଏବଂ ମହାକାଶଚାରୀ ଆଲେକଜାଣ୍ଡାର ଗୋର୍ବୁନୋଭ କ୍ୟାପସୁଲରୁ ବାହାରୁଥିବାର ଦେଖାଯାଉଛି।
ଅଧିକ ସର୍ଚ୍ଚ କରିବା ପରେ ଆମେ ଜାଣିବାକୁ ପାଇଲୁ ଯେ କ୍ରୁ ୯ ମହାକାଶରୁ ଫେରିଆସସିବା ନେଇ ନାସା ନିଜ ୱେବସାଇଟରେ ମଧ୍ୟ ଏକ ରିପୋର୍ଟ ପ୍ରକାଶିତ କରିଥିଲା। ରିପୋର୍ଟ ଅନୁଯାୟୀ, NASA ର SpaceX Crew-9 ଏଜେନ୍ସିର ନବମ ବାଣିଜ୍ୟିକ କ୍ରୁ ରୋଟେସନ୍ ମିଶନକୁ ଅନ୍ତର୍ଜାତୀୟ ମହାକାଶ ଷ୍ଟେସନକୁ ସମାପ୍ତ କରିଛି, ଫ୍ଲୋରିଡାର ତଲାହାସି ଉପକୂଳରେ ଆମେରିକାର ଉପସାଗରରେ SpaceX ଡ୍ରାଗନ୍ ମହାକାଶଯାନରେ ସୁରକ୍ଷିତ ଭାବରେ ଅବତରଣ କରିଛି।
ଏହା ପରେ ଆମେ ଭାଇରାଲ ଭିଡିଓର ତଥ୍ୟ ଖୋଜିବା ପାଇଁ ତାହାକୁ ବିଭିନ୍ନ ଫ୍ରେମରେ ବିଭାଜିତ କରି ଗୁଗୁଲ ରିଭର୍ସ ଇମେଜ୍ ସର୍ଚ୍ଚ କରିଲୁ। ଆମକୁ ସମାନ ଭିଡିଓ balbinoshop ନାମକ ଇଂଷ୍ଟାଗ୍ରାମ ଏକାଉଣ୍ଟରେ ୫ ଫେବ୍ରୁଆରି ରେ ସେୟାର ହେଇଥିବା ମିଳିଲା। ଭିଡିଓ ସହିତ ଥିବା କ୍ୟାପସନରେ ଏହାକୁ ଟେକ୍ସାସର ସ୍ପେସଏକ୍ସର ଷ୍ଟାରବେସରେ ଷ୍ଟାରସିପ୍ ଫ୍ଲାଇଟ୍ ୭ ର ଏକ ପରୀକ୍ଷଣ ଭାବରେ ବର୍ଣ୍ଣନା କରାଯାଇଛି। ଏହା ନିଶ୍ଚିତ କରେ ଯେ ସୁନିତା ୱିଲିୟମ୍ସଙ୍କ ଫେରିବା ପୂର୍ବରୁ ଭାଇରାଲ୍ ଭିଡିଓଟି ଇଣ୍ଟରନେଟରେ ଉପସ୍ଥିତ ଅଛି।
ତଦନ୍ତ କରିବା ପରେ, ଆମେ SpaceX ର ୟୁଟ୍ୟୁବ ଚ୍ୟାନେଲରେ Starship Flight 7 ର ଲଞ୍ଚ ଏବଂ ବୁଷ୍ଟର ରିଟର୍ଣ୍ଣର ଏକ ଭିଡିଓ ପାଇଲୁ। ୨୫ ଫେବୃଆରୀ ତାରିଖରେ ଅପଲୋଡ୍ ହୋଇଥିବା ଏହି ଭିଡିଓରେ ବୁଷ୍ଟରଟି ଫେରିବା ଏବଂ ସୁରକ୍ଷିତ ଭାବରେ ଲ୍ୟାଣ୍ଡ କରିବା ଦେଖାଯାଉଛି। ଭିଡିଓ ସହିତ ଥିବା ବର୍ଣ୍ଣନା ଅନୁସାରେ, ପରୀକ୍ଷାଟି ୧୬ ଜାନୁଆରୀ ୨୦୨୫ ରେ ହୋଇଥିଲା।
ସିଦ୍ଧାନ୍ତ:
ଆମ ଅନୁସନ୍ଧାନରୁ ପ୍ରମାଣିତ ହେଲା ଯେ ଭାଇରାଲ ଦାବି ମିଥ୍ୟା ଅଟେ। ସ୍ପେସଏକ୍ସ ଷ୍ଟାରସିପ୍ ଅବତରଣ ଭିଡିଓକୁ ସୁନିତା ୱିଲିୟମ୍ସଙ୍କର ପୃଥିବୀକୁ ଫେରୁଥିବା ଦୃଶ୍ୟ ଦାବି ସହିତ ସେୟାର କରା ଯାଉଛି।
Title:ସ୍ପେସଏକ୍ସ ଷ୍ଟାରସିପ୍ ଅବତରଣ ଭିଡିଓକୁ ସୁନିତା ୱିଲିୟମ୍ସଙ୍କର ପୃଥିବୀକୁ ଫେରୁଥିବା ଦୃଶ୍ୟ ଦାବି ସହିତ ସେୟାର କରା ଯାଉଛି।
Fact Check By: Siddharth SahuResult: False
