ଦୁଇଜଣ ପୁଅ ଅନ୍ୟ ଜଣେ ବାଳକକୁ ଛୁରାମାଡ଼ କରୁଥିବା ସିସିଟିଭି ଫୁଟେଜ ସୋସିଆଲ ମିଡିଆରେ ଭାଇରାଲ ହେଉଛି। ଭିଡିଓ ସହିତ କ୍ୟାପସନରେ ଲେଖା ଅଛି, “ଯେତେବେଳେ ସେହି ପୁଅ ନିଜ ଭଉଣୀର ନିର୍ଯାତନାକୁ ବିରୋଧ କରିଥିଲା, ମୁସଲମାନ ସମ୍ପ୍ରଦାୟର ପୁଅମାନେ ଜଣେ ହିନ୍ଦୁ ବାଳକକୁ ଛୁରୀରେ ହତ୍ୟା କରିଥିଲେ”।
କିନ୍ତୁ, ଫ୍ୟାକ୍ଟ କ୍ରେସେଣ୍ଡୋ ଏହି ଦାବିକୁ ମିଥ୍ୟା ବୋଲି କହିଛି। ଉଭୟ ଅଭିଯୁକ୍ତ ଏବଂ ପୀଡିତା ସମାନ ସମ୍ପ୍ରଦାୟର ଥିଲେ।
କ’ଣ ଦାବି କରା ଯାଇଛି ଏହି ପୋଷ୍ଟରେ?
ଭିଡିଓ ସେୟାର କରି ସୋସିଆଲ ମିଡିଆ ବ୍ୟବହାରକାରୀମାନେ ଦାବି କରୁଛନ୍ତି ଯେ ଯେତେବେଳେ ମନୋଜ ନେଗି ନାମକ ଜଣେ ବାଳକ ତାଙ୍କ ଭଉଣୀର ନିର୍ଯାତନାକୁ ବିରୋଧ କରିଥିଲା, ସେତେବେଳେ ମୁସଲିମ ସମ୍ପ୍ରଦାୟର କିଛି ବାଳକ ତାଙ୍କୁ ଦିଲ୍ଲୀର ପଟେଲ ନାଗର ଅଞ୍ଚଳରେ ଛୁରାମାଡ଼ କରିଥିଲେ ଯେଉଁଥିରେ ମନୋଜ ନେଗୀଙ୍କର ମୃତ୍ୟୁ ହୋଇହିଲା।
ଏହି ଭିଡିଓଟି ପ୍ରଥମେ ସୁଦର୍ଶନ ନ୍ୟୁଜ୍ ଦ୍ୱାରା ଟ୍ୱିଟ୍ ମାଧ୍ୟମରେ ସେୟାର କରାଯାଇଥିଲା | ତଳେ ଆପଣ ସମାନ ଭିଡିଓ ଦେଖିପାରିବେ।
ଆମ ଅନୁସନ୍ଧାନ:
ପ୍ରଥମେ ଆମେ ଦିଲ୍ଲୀର ପଟେଲ ନଗର ପୋଲିସ ଷ୍ଟେସନ୍ ସହ ଯୋଗାଯୋଗ କରି ଅନୁସନ୍ଧାନକାରୀ ଅଧିକାରୀ କୁଲଦୀପ ସିଂଙ୍କ ସହ କଥା ହୋଇଥିଲୁ। ସେ ଆମକୁ ସୂଚନା ଦେଇଛନ୍ତି, “ଉଭୟ ଅଭିଯୁକ୍ତ ଏବଂ ପୀଡିତା ସମାନ ହିନ୍ଦୁ ସମ୍ପ୍ରଦାୟର ଥିଲେ ଏବଂ ପଡ଼ୋଶୀ ଥିଲେ। କିଛି ପ୍ରସଙ୍ଗରେ ସେମାନଙ୍କର ଯୁକ୍ତିତର୍କ ହୋଇଥିଲା। ଏକ ଛୋଟ ଝଗଡା ଭଳି ପୁରା ଘଟଣା ଆରମ୍ଭ ହୋଇଥିଲା | କିନ୍ତୁ ମୁହୂର୍ତ୍ତର ଉତ୍ତରରେ ଜଣେ ଅଭିଯୁକ୍ତ ପୀଡିତାଙ୍କୁ ପନିପରିବା ଛୁରୀରେ ହତ୍ୟା କରିଥିଲା। ଏହା ଏକ ଉଦ୍ଦେଶ୍ୟମୂଳକ ହତ୍ୟା ନୁହେଁ। ପୀଡିତା ତାଙ୍କ କ୍ଲାସରୁ ଫେରୁଥିବା ସମୟରେ ଏହି ଘଟଣା ଘଟିଥିଲା। ତାଙ୍କୁ ତୁରନ୍ତ ଡାକ୍ତରଖାନା ନିଆଯାଇଥିଲା କିନ୍ତୁ ସେଠାରେ ପହଞ୍ଚିବା ମୁହୁର୍ତ୍ତେ ତାଙ୍କୁ ମୃତ ଘୋଷଣା କରାଯାଇଥିଲା। ପୋଲିସ ଘଟଣାସ୍ଥଳରେ ପହଞ୍ଚି ଦୁଇ ଘଣ୍ଟା ମଧ୍ୟରେ ଉଭୟ ଅଭିଯୁକ୍ତଙ୍କୁ ଗିରଫ କରିଥିଲା। ଏହି ଦାବି ମିଥ୍ୟା ଯେ ଦୁଇଜଣ ମୁସଲମାନ ପୁଅ ଜଣେ ହିନ୍ଦୁ ବାଳକକୁ ହତ୍ୟା କରିଥିଲେ କାରଣ ତିନିଜଣ ହିନ୍ଦୁ ଥିଲେ।”
ଯେତେବେଳେ ଆମେ FIR ର କପି ଏବଂ ଅଭିଯୁକ୍ତ ଏବଂ ପୀଡିତଙ୍କ ବିବରଣୀ ମାଗିଥିଲୁ, ପୋଲିସ କହିଲା ଯେ ଏହି ଘଟଣାରେ ସମସ୍ତ ନାବାଳକ ଜଡିତ ଥିବାରୁ ସେମାନେ କୌଣସି ବିବରଣୀ ପ୍ରକାଶ କରିପାରିବେ ନାହିଁ।
ଗୁଗୁଲରେ ବିଭିନ୍ନ ମୁଖ୍ୟଶବ୍ଦ ବ୍ୟବହାର କରି ସର୍ଚ୍ଚ କରିଲା ପରେ ଆମକୁ ୨୯ ଅକ୍ଟୋବର ୨୦୨୨ ରେ ଏନଡ଼ିଟିଭି ଦ୍ଵାରା ପ୍ରକାଶିତ ଏକ ରିପୋର୍ଟ ପାଇଲୁ। ରିପୋର୍ଟ ଅନୁଯାୟୀ, ଦୁଇ ନାବାଳକ ତାଙ୍କ ଭଉଣୀକୁ ହଇରାଣ କରୁଥିବାରୁ ତା’ ଭାଇ ସେହି ପିଲା ମାନଙ୍କ ବିରୋଧ କରିଥିଲା। ଏହି ଘଟଣାରେ ଝଗଡା ହୋଇଥିଲା ଯେଉଁଥିରେ ଦୁଇ ଅଭିଯୁକ୍ତ ପୀଡିତଙ୍କୁ ଛୁରୀରେ ହତ୍ୟା କରିଥିଲେ। ପୀଡିତଙ୍କ ଘର ନିକଟରେ ଏହି ଘଟଣା ଘଟିଛି। ତାଙ୍କୁ ତୁରନ୍ତ ଡାକ୍ତରଖାନା ନିଆଯାଇଥିଲା କିନ୍ତୁ ସେଠାରେ ତାଙ୍କୁ ମୃତ ଘୋଷଣା କରାଯାଇଥିଲା। ନାବାଳକ ଥିବା ଦୁଇ ଅଭିଯୁକ୍ତଙ୍କୁ ପୋଲିସ ଗିରଫ କରିଛି।
ଶେଷକଥା:
ଫ୍ୟାକ୍ଟ କ୍ରେସେଣ୍ଡୋ ଏହି ଦାବିକୁ ମିଥ୍ୟା ବୋଲି ଜାଣିବାକୁ ପାଇଲା। ଦିଲ୍ଲୀ ପୋଲିସ ନିଶ୍ଚିତ କରିଛି ଯେ ଅଭିଯୁକ୍ତ ଏବଂ ପୀଡିତ, ହିନ୍ଦୁ ସମ୍ପ୍ରଦାୟର ଏବଂ ପଡୋଶୀ ଥିଲେ। ଅଭିଯୁକ୍ତ ମାନେ ମୁସଲମାନ ବୋଲି ଦାବି ମିଥ୍ୟା। ମିଥ୍ୟା ସାମ୍ପ୍ରଦାୟିକ ରୂପ ସହିତ ସୋସିଆଲ ମିଡିଆରେ ପୁରା ଘଟଣା ଭାଇରାଲ ହେଉଛି।
Title:କ’ଣ ନିକଟରେ ଦିଲ୍ଲୀରେ କିଛି ମୁସଲିମ ସମ୍ପ୍ରଦାୟର ପୁଅମାନେ ଜଣେ ହିନ୍ଦୁ ନାବାଳକର ହତ୍ୟା କରିଛନ୍ତି? ଜାଣନ୍ତୁ ସତ୍ୟ।
Fact Check By: Siddharth SahuResult: False
