ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦୁଇ ଦିନିଆ ଇସ୍ରାଏଲ ଗସ୍ତରେ ଥିଲେ, ଯେଉଁଠାରେ ସେ ଇସ୍ରାଏଲୀ ସଂସଦ, ନେସେଟକୁ ସମ୍ବୋଧିତ କରିଥିଲେ। ଏହି ଗସ୍ତ ସମୟରେ ଇସ୍ରାଏଲୀ ସଂସଦ ପ୍ରଧାନମନ୍ତ୍ରୀ ମୋଦିଙ୍କୁ “ନେସେଟର ବାଚସ୍ପତି”ର ସର୍ବୋଚ୍ଚ ସମ୍ମାନ ପ୍ରଦାନ କରିଥିଲା।
ଏହି ସମ୍ପର୍କରେ, ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହୋଇଛି, ଯେଉଁଥିରେ ବାଚସ୍ପତି ପ୍ରଧାନମନ୍ତ୍ରୀ ମୋଦିଙ୍କ ନାମ ଉଲ୍ଲେଖ କରିବା ସମୟରେ କିଛି ସାଂସଦ ଗୃହ ଛାଡି ବାହାରକୁ ଯାଉଥିବାର ଦେଖାଯାଉଛି। ଏହି ଭିଡିଓକୁ ଇସ୍ରାଏଲର ବିରୋଧୀ ଦଳ ପ୍ରଧାନମନ୍ତ୍ରୀ ମୋଦିଙ୍କ ଭାଷଣକୁ ବର୍ଜନ କରିଥିବା ଦାବି ସହିତ ସେୟାର କରାଯାଉଛି।
କିନ୍ତୁ ଫ୍ୟାକ୍ଟ କ୍ରିଷେଣ୍ଡୋ ଜାଣିବାକୁ ପାଇଲା ଯେ ଭାଇରାଲ ଭିଡିଓକୁ ବିନା ସଠିକ୍ ପ୍ରସଙ୍ଗ ସହିତ ସେୟାର କରା ଯାଉଛି। ଇସ୍ରାଏଲର ବିରୋଧୀ ସାଂସଦମାନେ ପ୍ରଧାନମନ୍ତ୍ରୀ ମୋଦିଙ୍କ ଭାଷଣକୁ ବର୍ଜନ କରିନଥିଲେ। ସେମାନେ ପ୍ରଧାନମନ୍ତ୍ରୀ ନେତାନ୍ୟାହୁ ଏବଂ ନେସେଟ୍ ବାଚସ୍ପତି ଆମିର ଓହାନାଙ୍କ ଭାଷଣକୁ ବର୍ଜନ କରିଥିଲେ।
ଭିଡିଓ ସେୟାର କରି ଜଣେ ୟୁଜର ଲେଖିଛନ୍ତି, “ଭାରତକୁ ବିଶ୍ୱରେ ଅପମାନିତ କରୁଛି ମୋଦୀ। ମୋଦୀର ହାଣ୍ଡି ଚଟା ଦଲାଲ୍ News ଦେଖାଇବେ ନାହିଁ ଏପରି ଭିଡ଼ିଓ। ଏପଷ୍ଟାଇନ୍ ଚେଲା ମାନଙ୍କୁ ଇସ୍ରାଏଲ ରେ ମଧ୍ୟ ଥୁ ଥୁ କରୁଛନ୍ତି।”
ଆମ ଅନୁସନ୍ଧାନ:
ଆମ ଅନୁସନ୍ଧାରେ ପ୍ରଥମେ ଆମେ ଭାଇରାଲ ଭିଡିଓକୁ ବିଭିନ୍ନ ଫ୍ରେମରେ ବିଭାଜିତ କରି ପ୍ରତ୍ଯେକ ଫ୍ରେମର ଗୁଗୁଲ ରୁଭର୍ସ ଇମେଜ୍ ସର୍ଚ୍ଚ କରିଲୁ। ଫଳସ୍ଵରୂପ ଆମକୁ ଇସ୍ରାଏଲୀ ପ୍ରଧାନମନ୍ତ୍ରୀଙ୍କ ୟୁଟ୍ଯୂବ ଚ୍ୟାନେଲରେ ସମ୍ପୂର୍ଣ୍ଣ ଭିଡିଓ ପ୍ରକାଶ ପାଇଥିବା ମିଳିଲା। ଏହି ଭିଡିଓଟି ୨୫ ଫେବୃଆରୀ ୨୦୨୬ ରେ ଅପ୍ଲୋଡ ହେଇଥିଲା। ୨୬ ମିନିଟ୍ ଟାଇମଷ୍ଟାମ୍ପରେ, ପ୍ରଧାନମନ୍ତ୍ରୀ ମୋଦି ଇସ୍ରାଏଲୀ ସଂସଦର ବାଚସ୍ପତି ଆମିର ଓହାନାଙ୍କ ସହିତ ପହଞ୍ଚିଲେ, ଯେଉଁଠାରେ ସମସ୍ତେ ସେମାନଙ୍କୁ ସ୍ୱାଗତ କଲେ। ବିରୋଧୀ ଦଳ ନେତା ୟୈର ଲାପିଡଙ୍କୁ ମଧ୍ୟ ଦେଖିହେବ। ତଥାପି, ଅମୀର ଓହାନାଙ୍କ ଭାଷଣ ପୂର୍ବରୁ, ୟୈର ଲାପିଡଙ୍କ ସମେତ ଅନେକ ବିରୋଧୀ ସାଂସଦ ସଂସଦ ଛାଡି ଚାଲିଯାଇଥିଲେ।
ଏହାପରେ ପ୍ରଧାନମନ୍ତ୍ରୀ ନେତାନ୍ୟାହୁଙ୍କ ଭାଷଣ ଆରମ୍ଭ ହୋଇଥିଲା, କିନ୍ତୁ ସମସ୍ତ ବିରୋଧୀ ନେତା ସଂସଦ ଭିତରେ ଉପସ୍ଥିତ ନଥିଲେ; ସେମାନେ ଯିବା ଆରମ୍ଭ କରିଥିଲେ।
ଇସ୍ରାଏଲୀ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁଙ୍କ ଭାଷଣ ସମୟରେ ପ୍ରାୟତଃ ସମଗ୍ର ବିପକ୍ଷ ଗୃହ ବାହାରେ ଥିଲେ। ବେଞ୍ଜାମିନ୍ ନେତାନ୍ୟାହୁ ତାଙ୍କ ଭାଷଣ ଶେଷ କରିବା ମାତ୍ରେ, ୟାଇର ଲାପିଡ୍ ଗୃହକୁ ପ୍ରବେଶ ଏବଂ ଅନ୍ୟ ସଦସ୍ୟମାନେ ସଂସଦ ଆସିଥିଲେ।
ବିରୋଧୀ ଦଳର ନେତା ଭାବରେ, ୟାଇର ଲାପିଡଙ୍କୁ ପୋଡିୟମକୁ ଡକାଯାଇଥିଲା। ପୋଡିୟମରେ ପହଞ୍ଚିବା ପରେ, ସେ ପ୍ରଥମେ ପ୍ରଧାନମନ୍ତ୍ରୀ ମୋଦିଙ୍କୁ ଭେଟିଥିଲେ ଏବଂ ତା’ପରେ ଏକ ସଂକ୍ଷିପ୍ତ ଭାଷଣ ଦେଇଥିଲେ।
ତାଙ୍କ ଭାଷଣରେ ସେ କହିଛନ୍ତି, “ପ୍ରଧାନମନ୍ତ୍ରୀ, ଆଜି ଯାହା ଘଟିଛି ତାହା ଆପଣଙ୍କ ବିଷୟରେ ନୁହେଁ। ସମଗ୍ର ଇସ୍ରାଏଲ ରାଜ୍ୟ ଆପଣଙ୍କ ନେତୃତ୍ୱ, ଆପଣଙ୍କ ବନ୍ଧୁତା ଏବଂ କଷ୍ଟକର ସମୟରେ ଆମ ସହିତ ଠିଆ ହେବା ପାଇଁ ଆପଣଙ୍କୁ ପ୍ରଶଂସା କରୁଛି। ଆମ ଦୁଇ ଦେଶ ମଧ୍ୟରେ ଏହି ଅନନ୍ତ ମେଣ୍ଟକୁ ମଧ୍ୟ ଆମେ ଗଭୀର ଭାବରେ ପ୍ରଶଂସା କରୁଛୁ। ତେଣୁ, ଏଠାକୁ ଆସିବା ପାଇଁ ଆପଣଙ୍କୁ ବହୁତ ଧନ୍ୟବାଦ, ଏବଂ ଗୃହର ଉଭୟ ପାର୍ଶ୍ୱରେ ଆମେ ସମସ୍ତେ ଆପଣଙ୍କ ଭାଷଣ ଶୁଣିବାକୁ ଅପେକ୍ଷା କରିଛୁ।”
ଏହି ସମୟରେ ସମସ୍ତ ବିରୋଧୀ ନେତା ସଂସଦରେ ଉପସ୍ଥିତ ଥିଲେ। ଭିଡିଓରେ ଦେଖାଯାଉଛି ଯେ ପ୍ରଧାନମନ୍ତ୍ରୀ ମୋଦିଙ୍କ ଭାଷଣ ସମୟରେ ମଧ୍ୟ ସମସ୍ତ ବିରୋଧୀ ନେତା ଗୃହରେ ଉପସ୍ଥିତ ଥିଲେ।
ତା’ପରେ ଏହା ମଧ୍ୟ ଦେଖାଯାଇଥିଲା ଯେ ତାଙ୍କ ଭାଷଣ ଶେଷ କରିବା ପରେ, ଯେତେବେଳେ ପ୍ରଧାନମନ୍ତ୍ରୀ ମୋଦି ମଞ୍ଚରୁ ତଳକୁ ଆସିଥିଲେ, ସେ ୟେର୍ ଲାପିଡ୍ଙ୍କୁ ଆଲିଙ୍ଗନ କରିଥିଲେ ଏବଂ ଅନ୍ୟ ବିରୋଧୀ ସଦସ୍ୟମାନଙ୍କୁ ମଧ୍ୟ ଭେଟଥିଲେ।
ଆମେ ପ୍ରଧାନମନ୍ତ୍ରୀ ମୋଦିଙ୍କ ୟୁଟ୍ୟୁବ ଆକାଉଣ୍ଟରେ ଅପଲୋଡ୍ ହୋଇଥିବା ସମ୍ପୂର୍ଣ୍ଣ ଭିଡିଓ ପାଇଲୁ, ଯେଉଁଥିରେ କୌଣସି ସ୍ଥାନରେ ଏପରି ଦୃଶ୍ୟ ନାହିଁ ଯାହା ନିଶ୍ଚିତ କରେ ଯେ ପ୍ରଧାନମନ୍ତ୍ରୀ ମୋଦିଙ୍କୁ ଇସ୍ରାଏଲୀ ବିରୋଧୀ ସାଂସଦମାନେ ବୟକଟ କରିଥିଲେ।
ଅଧିକ ତଦନ୍ତ ପରେ, ଆମେ ୟେର୍ ଲାପିଡ୍ଙ୍କ X ହ୍ୟାଣ୍ଡେଲରେ ୨୫ ଫେବୃଆରୀ ୨୦୨୬ ରେ ପ୍ରଧାନମନ୍ତ୍ରୀ ମୋଦିଙ୍କ ସହ ଏକ ଫଟୋ ସେୟାର କରିଥିବା ଏକ ପୋଷ୍ଟ ପାଇଲୁ। ସେ ଲେଖିଛନ୍ତି, “ସମସ୍ତ ଇସ୍ରାଏଲ ଆପଣଙ୍କ ନେତୃତ୍ୱକୁ ପ୍ରଶଂସା କରେ, ଆପଣଙ୍କ ବନ୍ଧୁତାକୁ ମୂଲ୍ୟ ଦିଏ, ଏବଂ କଷ୍ଟକର ସମୟରେ ଆପଣ ଆମ ସହିତ ଠିଆ ହୋଇଥିବା ପାଇଁ କୃତଜ୍ଞ। ଏଠାକୁ ଆସିବା ପାଇଁ ଆପଣଙ୍କୁ ବହୁତ ବହୁତ ଧନ୍ୟବାଦ।“
ଦି ଜେରୁସାଲେମ ପୋଷ୍ଟର ରିପୋର୍ଟ ଅନୁଯାୟୀ, ସୁପ୍ରିମକୋର୍ଟର ମୁଖ୍ୟ ବିଚାରପତି ଆଇଜାକ୍ ଅମିତଙ୍କୁ ନିମନ୍ତ୍ରଣ କରାଯାଇ ନଥିବାରୁ ବିରୋଧୀ ଦଳଗୁଡ଼ିକ ଭାରତୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପାଇଁ ଆୟୋଜିତ ଅଧିକାଂଶ ଅଧିବେଶନକୁ ବର୍ଜନ କରିଥିଲେ। ୟେସ୍ ଅତିଦ୍ ଏବଂ ୟିସରାଏଲ୍ ବେଇଟେନୁ ଅଧିବେଶନ ପୂର୍ବରୁ ଘୋଷଣା କରିଥିଲେ ଯେ ସେମାନେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଭାଷଣ ଶୁଣିବେ, କିନ୍ତୁ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁ ଏବଂ ସଂସଦର ବାଚସ୍ପତି ଆମିର ଓହାନାଙ୍କ ଭାଷଣକୁ ବର୍ଜନ କରିବେ।
ସିଦ୍ଧାନ୍ତ:
ଆମ ଅନୁସନ୍ଧାନରୁ ପ୍ରମାଣିତ ହେଲା ଯେ ଭାଇରାଲ ଭିଡିଓକୁ ବିନା ସଠିକ୍ ପ୍ରସଙ୍ଗ ସହିତ ସେୟାର କରା ଯାଉଛି। ଇସ୍ରାଏଲର ବିରୋଧୀ ସାଂସଦମାନେ ପ୍ରଧାନମନ୍ତ୍ରୀ ମୋଦିଙ୍କ ଭାଷଣକୁ ବର୍ଜନ କରିନଥିଲେ। ସେମାନେ ପ୍ରଧାନମନ୍ତ୍ରୀ ନେତାନ୍ୟାହୁ ଏବଂ ନେସେଟ୍ ବାଚସ୍ପତି ଆମିର ଓହାନାଙ୍କ ଭାଷଣକୁ ବର୍ଜନ କରିଥିଲେ।
Title:ଇସ୍ରାଏଲୀ ସଂସଦରେ ପ୍ରଧାନମନ୍ତ୍ରୀ ମୋଦିଙ୍କୁ ବୟକଟ କରାଯାଇଥିଲା କି? ୱାକଆଉଟ୍ ପଛର ପ୍ରକୃତ ସତ୍ୟ କ’ଣ?
Fact Check By: Siddharth SahuResult: Missing Context
