SIR ହେଉଛି ଭାରତୀୟ ନିର୍ବାଚନ କମିଶନଙ୍କ ଦ୍ୱାରା ପ୍ରଚଳିତ ଏକ ପ୍ରକ୍ରିୟା ଯେଉଁଥିରେ ଭୋଟର ତାଲିକାର ଏକ ବ୍ୟାପକ ସମୀକ୍ଷା ଅନ୍ତର୍ଭୁକ୍ତ। ଏହି ପ୍ରକ୍ରିୟାର ପ୍ରାଥମିକ ଉଦ୍ଦେଶ୍ୟ ହେଉଛି ଏକ ତ୍ରୁଟିମୁକ୍ତ ଭୋଟର ତାଲିକା ପ୍ରସ୍ତୁତ କରିବା। ଏହା ଏକ ତାଲିକା ଯାହା ନିଶ୍ଚିତ କରେ ଯେ ପ୍ରତ୍ୟେକ ଯୋଗ୍ୟ ନାଗରିକଙ୍କ ନାମ ସଠିକ୍ ଭାବରେ ଲିପିବଦ୍ଧ ହୋଇଛି ଏବଂ କୌଣସି ଅଯୋଗ୍ୟ କିମ୍ବା ସମାନ ନାମର ଏକାଧିକ ପ୍ରବେଶ ନାହିଁ।
ପଶ୍ଚିମବଙ୍ଗରେ SIR ଘୋଷଣା ପରେ, ଭାରତ ସୀମା ପାର କରିବାକୁ ଚେଷ୍ଟା କରୁଥିବା ଅନେକ ଅବୈଧ ବାଂଲାଦେଶୀ ପ୍ରବାସୀଙ୍କୁ ଗିରଫ କରାଯାଇଥିଲା। ଏହି ପ୍ରସଙ୍ଗରେ, ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି ଯେଉଁଥିରେ ଅନେକ ଲୋକ ଏକ ସୀମା ନିକଟରେ ଥିବା ଦେଖିବାକୁ ମିଳିଛି। ଦାବି କରା ଯାଉଛି ଯେ SIR ର ଘୋଷଣା ହେବା ପରେ ପଶ୍ଚିମବଙ୍ଗରୁ ବାଂଲାଦେଶୀ ମାନେ ପଳାୟନ କରୁଥିବା ନଜର ଆସିଛନ୍ତି।
ଆମ ଅନୁସନ୍ଧାନ:
ଆମ ଅନୁସନ୍ଧାନରେ ପ୍ରଥମେ ଆମେ ଭାଇରାଲ ଭିଡିଓକୁ ବିଭିନ୍ନ ଫ୍ରେମରେ ବିଭାଜିତ କରି ପ୍ରତ୍ଯେକ ଫ୍ରେମର ଗୁଗୁଲ ରିଭର୍ସ ଇମେଜ୍ ସର୍ଚ୍ଚ କରିଲୁ। ଫଳସ୍ଵରୂପ ଆମକୁ ସମାନ ଭିଡିଓ ଥିବା ଏକ ଫେସବୁକ ପୋଷ୍ଟ ମିଳିଲା। ଏହା ୩୦ ଅକ୍ଟୋବର ୨୦୨୫ ରେ ଅପଲୋଡ୍ କରାଯାଇଥିଲା। ଭିଡିଓରେ, ଜଣେ କହୁଥିବାର ଶୁଣାଯାଉଛି ଯେ ସେ ଏକ ବିସର୍ଜନ ଦେଖିବା ପାଇଁ ଶିକାରପୁର ଆସିଛନ୍ତି। ଶିକାରପୁର ହେଉଛି ପଶ୍ଚିମବଙ୍ଗର ନାଦିଆ ଜିଲ୍ଲାର କରିମପୁର ସିଡି ବ୍ଲକରେ ମୁରୁଟିଆ ପୋଲିସ ଷ୍ଟେସନ ଅଞ୍ଚଳର ଏକ ଗ୍ରାମ।
ପଶ୍ଚିମବଙ୍ଗରେ SIR ପ୍ରକ୍ରିୟା ନଭେମ୍ବର ୪ ତାରିଖରେ ଆରମ୍ଭ ହୋଇଥିଲା କିନ୍ତୁ ଭାଇରାଲ ଭିଡିଓଟି ଅକ୍ଟୋବର ୩୦ ତାରିଖରେ ଅନୁଷ୍ଠିତ ଏକ ଉତ୍ସବର। ଭିଡିଓଟି SIR ପ୍ରକ୍ରିୟା ସହିତ କୌଣସି ସମ୍ପର୍କ ନାହିଁ।
ପଶ୍ଚିମବଙ୍ଗ ପୋଲିସ ଟ୍ୱିଟର ମାଧ୍ୟମରେ ଏକ ବିବୃତ୍ତି ଜାରି କରି କହିଛି ଯେ ଭାଇରାଲ ଭିଡିଓଟି SIR ପ୍ରକ୍ରିୟା ସହିତ ଜଡିତ ନୁହେଁ। ପୋଷ୍ଟରେ କୁହାଯାଇଛି, “ବାଂଲାଦେଶ ସୀମା ନିକଟରେ ଥିବା ପଶ୍ଚିମବଙ୍ଗର ନାଡିଆ ଜିଲ୍ଲାର ମାଠଭାଙ୍ଗା ନଦୀରେ ଦେବୀ କାଳୀଙ୍କ ମୂର୍ତ୍ତି ବିସର୍ଜନର ଭିଡିଓକୁ SIR ଲାଗୁ ହେବା ପରେ ଅବୈଧ ପ୍ରବାସୀ ରାଜ୍ୟରୁ ପଳାୟନ କରୁଥିବା ଦାବି ସହିତ ସେୟାର କରା ଯାଇଛି। ଏହା ନକଲି ଏବଂ ମିଥ୍ୟା”
ସିଦ୍ଧାନ୍ତ:
ଆମ ଅନୁସନ୍ଧାନରୁ ପ୍ରମାଣିତ ହେଲା ଯେ ଭାଇରାଲ ଦାବି ମିଥ୍ୟା ଅଟେ। ବାଂଲାଦେଶ ସୀମା ନିକଟରେ ଥିବା ପଶ୍ଚିମବଙ୍ଗର ନାଡିଆ ଜିଲ୍ଲାର ମାଠଭାଙ୍ଗା ନଦୀରେ ଦେବୀ କାଳୀଙ୍କ ମୂର୍ତ୍ତି ବିସର୍ଜନର ଭିଡିଓକୁ SIR ଲାଗୁ ହେବା ପରେ ଅବୈଧ ପ୍ରବାସୀ ରାଜ୍ୟରୁ ପଳାୟନ କରୁଥିବା ଦାବି ସହିତ ସେୟାର କରା ଯାଇଛି।
Title:ପଶ୍ଚିମବଙ୍ଗରେ ଦେବୀ କାଳୀଙ୍କ ମୂର୍ତ୍ତି ବିସର୍ଜନର ଏକ ଭିଡିଓକୁ SIR ଲାଗୁ ହେବା ପରେ ଅବୈଧ ପ୍ରବାସୀ ମାନେ ପଳାୟନ କରୁଥିବା ଦାବି ସହିତ ସେୟାର କରା ଯାଉଛି।
Fact Check By: Siddharth SahuResult: False
