ପିଲାମାନେ ଏକ ଟ୍ରେନକୁ କ୍ଷତି ପହଞ୍ଚାଉଥିବାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଭିଡିଓରେ, ଆମେ ଏକ ପିଲାକୁ ଏକ ସ୍ଥିର ଟ୍ରେନର ଇଞ୍ଜିନକୁ ପଥର ଫିଙ୍ଗୁଥିବା ଏବଂ କିଛି ପିଲା ଇଞ୍ଜିନ ଉପରେ ଠିଆ ହୋଇଥିବାର ଦେଖିପାରୁଛୁ। ଏହି ଭିଡିଓକୁ ଭାରତରେ ଘଟିଥିବା ଏକ ଘଟଣା ପରି ସେୟାର କରା ଯାଇଛି।
କ୍ଲିପ୍ ସେୟାର କରି ଜଣେ ୟୁଜର ଲେଖିଛନ୍ତି, “ସୀମା ଆର ପାଖରେ ଥିବା ପାକିସ୍ତାନୀ ମାନଙ୍କୁ ଭୟ ନାହି କାରଣ ସୀମାରେ ବିଶ୍ଵର ସର୍ବ ଶ୍ରେଷ୍ଠ ସେନା ଭାରତୀୟ ସେନା ସୁରକ୍ଷା ପ୍ରଦାନ କରୁଛନ୍ତି କିନ୍ତୁ ଭୟ ତ ଏମାନଙ୍କୁ ଲାଗେ ଯେଉଁମାନେ ଭାରତରେ ଖାଇ ଭାରତରେ ରହି ଭାରତର ଅନିଷ୍ଠ ଚିନ୍ତା କରନ୍ତି , ଏବେ ସେମାନେ ନୁହେଁ ସେମାନଙ୍କ ପିଲା ମାନେ ମଧ୍ୟ”
ଆମ ଅନୁସନ୍ଧାନ:
ଆମ ଅନୁସନ୍ଧାନରେ ପ୍ରଥମେ ଆମେ ଭାଇରାଲ ଭିଡିଓକୁ ବିଭିନ୍ନ ଫ୍ରେମରେ ବିଭାଜିତ କରି ପ୍ରତ୍ଯେକ ଫ୍ରେମର ଗୁଗୁଲ ରିଭର୍ସ ଇମେଜ୍ ସର୍ଚ୍ଚ କରିଲୁ। ଫଳସ୍ଵରୂପ ଆମକୁ ସମାନ ଭିଡିଓ ୨୮ ଡିସେମ୍ବର ୨୦୨୫ ରେ ଏକ ଫେସବୁକ ପେଜରେ ପୋଷ୍ଟ ହେଇଥିବା ମିଳିଲା। ପୋଷ୍ଟର କ୍ୟାପ୍ସନରେ ଉଲ୍ଲେଖ କରା ଯାଇଛି ଯେ ଏହା କାମାଲପୁର ଅଞ୍ଚଳର ଘଟଣା। କମଳାପୁର ବାଂଲାଦେଶର ଢାକାର ଏକ ବଡ଼ ରେଳ ଷ୍ଟେସନ। ଏହା ସୂଚିତ କରୁଛି ଯେ ଭିଡିଓଟି ବାଂଲାଦେଶର।
ଅଧିକ ସର୍ର୍ଚ କରିବା ପରେ ଆମେ ଜାଣିଲୁ ଯେ ଟ୍ରେନ୍ ଟି ଭାରତର ନୁହେଁ। ବଗିରେ “BR” ଅକ୍ଷର ଅଛି, ଯାହା ବାଂଲାଦେଶ ରେଳବାଇକୁ ବୁଝାଏ ଏବଂ ଏହା ସାଧାରଣତଃ ଜାତୀୟ ରେଳ ସେବା ଦ୍ୱାରା ପରିଚାଳିତ ଟ୍ରେନ୍ଗୁଡ଼ିକରେ ପ୍ରଦର୍ଶିତ ହୁଏ। ଏହା ସହିତ, ଟ୍ରେନ୍ରେ ବଙ୍ଗଳା ଲେଖା ଦୃଶ୍ୟମାନ ହେଉଛି, ଯେଉଁଥିରେ “ଶୋଭନ” ଶବ୍ଦ ଏବଂ ଆଂଶିକ ଅକ୍ଷର “ଏର-ସିଟି” ଲେଖା ରହିଛି, ଯାହା ସୂଚାଇ ଦେଉଛି ଯେ ଟ୍ରେନ୍ଟି ଏକ ଆନ୍ତଃ-ନଗର ସେବାର ଅଂଶ ହୋଇପାରେ।
ଆମେ ବଗିରେ ଲେଖାଯାଇଥିବା “ଶୋଭନ” ବିଷୟରେ ସର୍ଚ୍ଚ କରିଲୁ। ବାଂଲାଦେଶୀ ଟ୍ରେନଗୁଡ଼ିକରେ, ଶୋଭନ ଶବ୍ଦଟି ଶୋଭନ ଚେୟାରକୁ ବୁଝାଏ ଯାହା ଏକ ନନ୍-ଏସି ଦ୍ୱିତୀୟ ଶ୍ରେଣୀର ଆସନ ବିକଳ୍ପ ଯେଉଁଥିରେ ବେଞ୍ଚ-ଶୈଳୀର ସିଟ୍, ପ୍ରାୟତଃ କୁଶନଯୁକ୍ତ, ଇଣ୍ଟର-ସିଟି ଏବଂ ମେଲ୍ ଟ୍ରେନଗୁଡ଼ିକରେ ମିଳିଥାଏ।
ଆମେ ଭାଇରାଲ୍ ଭିଡିଓରେ ଦେଖାଯାଇଥିବା ଟ୍ରେନ ସହିତ ବାଂଲାଦେଶୀ ଟ୍ରେନର ଚିତ୍ର ତୁଳନା କରିଲୁ। ଡିଜାଇନ୍, ଗଠନ ଏବଂ ଚିହ୍ନ ଯେପରିକି “BR” ଲୋଗୋ ଏବଂ “ଇଣ୍ଟରସିଟି” ଲେଖା ବହୁତ ନିକଟରୁ ସଜାଯାଇଥିଲା, ଯାହା ନିଶ୍ଚିତ କରେ ଯେ ଏହି ଟ୍ରେନଟି ବାଂଲାଦେଶ ରେଳବାଇର ଅଂଶ। ବାଂଲାଦେଶର ଟ୍ରେନଗୁଡ଼ିକର ଚିତ୍ର ଅନଲାଇନରେ ଉପଲବ୍ଧ ଅଛି। ଭାରତୀୟ ରେଳବାଇ ଟ୍ରେନ କୋଚଗୁଡ଼ିକର ରଙ୍ଗ ଏବଂ ଡିଜାଇନ୍ ଭିନ୍ନ।
ସିଦ୍ଧାନ୍ତ:
ଆମ ଅନୁସନ୍ଧାନରୁ ପ୍ରମାଣିତ ହେଲା ଯେ ଭାଇରାଲ ଭିଡିଓ ଭାରତର ନୁହେଁ, ବାଂଲାଦେଶର ଏକ ଘଟଣାକୁ ଦର୍ଶାଉଛି। ବିନା ସଠିକ୍ ପ୍ରସଙ୍ଗ ସହିତ ଭିଡିଓକୁ ସେୟାର କରା ଯାଇଛି।
Title:ବାଂଲାଦେଶର ଭିଡିଓକୁ ଭାରତରେ ଟ୍ରେନ୍ ଲାଇନଚ୍ୟୁତ ଉଦ୍ୟମ ବୋଲି ମିଥ୍ୟା ଦାବି ସହିତ ସେୟାର କରାଯାଉଛି।
Fact Check By: Siddharth SahuResult:Missing Context
