ଗୋରଖପୁରର ସାଂସଦ ଏବଂ ଜଣେ ବିଜେପି ନେତା ରବି କିଶନଙ୍କ ଏକ ଭିଡିଓ ସୋସିଆଲ ମିଡିଆରେ ଦ୍ରୁତ ଗତିରେ ଭାଇରାଲ ହେଉଛି। ଭିଡିଓରେ ସେ କହିଛନ୍ତି: “ଦେଖନ୍ତୁ, ସେ ଭ୍ରମଣ କରିବାକୁ ପସନ୍ଦ କରନ୍ତି… ସେ ବିଦେଶ ଗସ୍ତରେ ଆନନ୍ଦ ପାଆନ୍ତି। ମନେରଖନ୍ତୁ, ସେ ସଂସଦରେ ଦେଖାଯାଆନ୍ତି – ଏହା 10 କିମ୍ବା 15 ଦିନ ପାଇଁ, ଗୋଟିଏ ସପ୍ତାହ ପାଇଁ, କିମ୍ବା କେବଳ ଚାରି ଦିନ ପାଇଁ। କିନ୍ତୁ ସେ ପାଞ୍ଚ ମିନିଟ୍ ମଧ୍ୟରେ ଚାଲିଯାଆନ୍ତି। ସେ ଚିନ୍ତିତ ହୋଇଯାଆନ୍ତି। ତେଣୁ, ତାଙ୍କୁ ମୁକ୍ତ ହେବାକୁ ଦିଅନ୍ତୁ – ଏକ ମୁକ୍ତ ପକ୍ଷୀ। ତାଙ୍କ ଉପରେ କୌଣସି ଭାର ଦିଅ ନାହିଁ; ତାଙ୍କୁ ଭାରଗ୍ରସ୍ତ କର ନାହିଁ। ଏହା ତାଙ୍କୁ ଚାପ ଦିଏ। ସର୍ବପରି, ସେ ନିଜକୁ ମୁକ୍ତ କରିଛନ୍ତି। ସେ ଏକ ମୁକ୍ତ-ଆତ୍ମା ପକ୍ଷୀ ଯିଏ ବୁଲିବାକୁ ଭଲ ପାଆନ୍ତି। ତୁମେମାନେ ତାଙ୍କୁ କାହିଁକି ହଇରାଣ କରୁଛ?” ୟୁଜର୍ସମାନେ ଏହି ଭିଡିଓକୁ ସେୟାର କରିଛନ୍ତି ଏବଂ ଦାବି କରିଛନ୍ତି ଯେ ରବି କିଶନ ପ୍ରଧାନମନ୍ତ୍ରୀ ମୋଦୀଙ୍କ ବିଦେଶ ଗସ୍ତକୁ ନେଇ ସମାଲୋଚନା କରୁଥିଲେ।
ଭିଡିଓ ସେୟାର କରି ଜଣେ ୟୁଜର ଲେଖିଛନ୍ତି, “ମୋଦିଜୀ ଦେଶ ଏବଂ ବିଦେଶରେ ଭ୍ରମଣ କରିବାକୁ ଭଲ ପାଆନ୍ତି। ବିଜେପିର ପଦାଚଟା ସାଂସଦ ରବି କିଶନ”
ଆମ ଅନୁସନ୍ଧାନ:
ଆମ ଅନୁସନ୍ଧାନରେ ପ୍ରଥମେ ଆମେ ବିଭିନ୍ନ ମୁଖ୍ୟଶବ୍ଦ ବୁଆବହାର କରି ଭାଇରାଲ ଭିଡିଓ ବିଷୟରେ ସର୍ଚ୍ଚ କରିଲୁ। ଫଳସ୍ଵରୂପ ଆମକୁ ସମାନ ଭିଡିଓ ରବି କିଶନଙ୍କ X ହ୍ୟାଣ୍ଡେଲରେ ପୋଷ୍ଟ ହେଇଥିବା ମିଳିଲା। ଭିଡିଓଟି ମେ ୨୩, ୨୦୨୬ ରେ ସେଠାରେ ପୋଷ୍ଟ କରାଯାଇଥିଲା, ଯାହା ସହିତ କ୍ୟାପସନ ଥିଲା: “କଂଗ୍ରେସ ଏବେ ତାଙ୍କର ‘ଯୁବରାଜ’ ରାହୁଲ ଗାନ୍ଧୀଙ୍କୁ ମୁକ୍ତ କରିବା ଉଚିତ।“
ଆମେ ଏସିଆନେଟ୍ ନ୍ୟୁଜ୍ ହିନ୍ଦୀ ୟୁଟ୍ୟୁବ୍ ଚ୍ୟାନେଲରେ ଭାଇରାଲ୍ ଭିଡିଓର ଏକ ଲମ୍ବା ସଂସ୍କରଣ ପାଇଲୁ। ଭିଡିଓଟି ୧୩ ମଇ, ୨୦୨୬ ରେ ସେଠାରେ ଅପଲୋଡ୍ କରାଯାଇଥିଲା। ଭିଡିଓଟିର ୪:୪୨ ସମୟରେ, ଜଣେ ସାମ୍ବାଦିକଙ୍କୁ ରାହୁଲ ଗାନ୍ଧୀ ସିବିଆଇ ନିର୍ଦ୍ଦେଶକଙ୍କ ଚୟନ ପ୍ରକ୍ରିୟାରୁ ନିଜକୁ ବାଦ୍ ଦେବା ସମ୍ପର୍କରେ ପ୍ରଶ୍ନ ପଚାରୁଥିବାର ଶୁଣାଯାଉଛି।
ସେହି ସମୟରେ, ରବି କିଶନ ମନ୍ତବ୍ୟ ଦିଅନ୍ତି, “ଏବେ ଦେଖନ୍ତୁ – ସେ କେବଳ ବୁଲିବାକୁ ଚାହାଁନ୍ତି; ସେ ବିଦେଶ ଯାତ୍ରା କରିବାକୁ ଉପଭୋଗ କରନ୍ତି। ପ୍ରତି ୧୦ ରୁ ୧୫ ଦିନ – ଏକ ସପ୍ତାହ କିମ୍ବା ଚାରି ଦିନ ପାଇଁ – ସେ ଛୁଟିରେ ଥାଆନ୍ତି। ଯେତେବେଳେ ସେ କେବଳ ପାଞ୍ଚ ମିନିଟ୍ ପାଇଁ ସଂସଦରେ ଯୋଗ ଦିଅନ୍ତି, ସେତେବେଳେ ମଧ୍ୟ ସେ ଚିନ୍ତିତ ଅନୁଭବ କରିବାକୁ ଲାଗିଥାନ୍ତି। ତେଣୁ, ତାଙ୍କୁ ଯିବାକୁ ଦିଅ; ତାଙ୍କୁ ମୁକ୍ତ ରହିବାକୁ ଦିଅ – ସେ ଏକ ମୁକ୍ତ ପକ୍ଷୀ। ତାଙ୍କ କାନ୍ଧରେ କୌଣସି ଭାର ଦିଅ ନାହିଁ; ସେ ଚାପଗ୍ରସ୍ତ ହୋଇଯାଆନ୍ତି। ଏହା ଏକ ଭଲ କଥା ଯେ ସେ ନିଜକୁ ମୁକ୍ତ କରିଛନ୍ତି। ସେ ଜଣେ ମୁକ୍ତ ଆତ୍ମା। ଆପଣମାନେ କାହିଁକି ତାଙ୍କୁ ହଇରାଣ କରୁଛନ୍ତି?“
ଭାଇରାଲ ହୋଇଥିବା ଭିଡିଓର ସଂସ୍କରଣଟି ୧୩ ମଇ, ୨୦୨୬ ରେ ANIର ଫେସବୁକ୍ ପେଜରେ ଅପଲୋଡ୍ ହୋଇଥିବା ଏକ ଭିଡିଓରେ ମଧ୍ୟ ଦେଖାଯାଇପାରିବ। ଭିଡିଓରେ, ରବି କିଶାନ ଦେଶ ପାଇଁ ସମ୍ଭାବ୍ୟ ଆର୍ଥିକ ପ୍ରଭାବ ବିଷୟରେ ଆଲୋଚନା କରିଛନ୍ତି। ସେ ପ୍ରଧାନମନ୍ତ୍ରୀ ମୋଦିଙ୍କ ଅପିଲକୁ ଉଲ୍ଲେଖ କରିଛନ୍ତି, ଯେଉଁଥିରେ ଲୋକମାନଙ୍କୁ ଇନ୍ଧନ ସଂରକ୍ଷଣ କରିବାକୁ, ଅନାବଶ୍ୟକ ବିଦେଶ ଯାତ୍ରା ଏଡାଇବାକୁ, ସୁନା କ୍ରୟକୁ ସୀମିତ କରିବାକୁ ଏବଂ କାର୍ପୁଲିଂ ଭଳି ବିକଳ୍ପ ଗ୍ରହଣ କରିବାକୁ ଅନୁରୋଧ କରିଛନ୍ତି। ପରବର୍ତ୍ତୀ ସମୟରେ, ରିପୋର୍ଟର ରବି କିଶନଙ୍କୁ ରାହୁଲ ଗାନ୍ଧୀଙ୍କ ସମ୍ପର୍କରେ ଏକ ପ୍ରଶ୍ନ ପଚାରନ୍ତି। ଏହି ପ୍ରଶ୍ନର ଉତ୍ତରରେ ହିଁ ରବି କିଶାନ ଭାଇରାଲ ଭିଡିଓରେ ପ୍ରଦର୍ଶିତ ବିବୃତ୍ତି ଦେଇଛନ୍ତି।
ସିଦ୍ଧାନ୍ତ:
ଆମ ଅନୁସନ୍ଧାନରୁ ପ୍ରମାଣିତ ହେଲା ଯେ ରବି କିଶନଙ୍କର ମୂଳ ଭିଡିଓର କିଛି ଅଂଶ ନେଇ ଭିଡିଓ ସେୟାର କରା ଯାଉଛି। ମୂଳ ଭିଡିଓରେ ରବି କିଶନ ପ୍ରଧାନମନ୍ତ୍ରୀ ମୋଦୀ ନୁହେଁ, ରାହୁଲ ଗାନ୍ଧୀଙ୍କ ବିଷୟରେ ବକ୍ତବ୍ୟ ଦେଇଛନ୍ତି।
Title: ରବି କିଶନଙ୍କ ବକ୍ତବ୍ୟ ପ୍ରଧାନମନ୍ତ୍ରୀ ମୋଦୀଙ୍କ ପ୍ରତି ନୁହେଁ, ରାହୁଲ ଗାନ୍ଧୀଙ୍କ ପ୍ରତି ଥିଲା।
Fact Check By: Siddharth Sahu
Result: Misleading
