ପୁରୁଣା ଅସମ୍ପର୍କିତ ଫଟୋକୁ ରାମ ମନ୍ଦିର ପ୍ରାଣ ପ୍ରତିଷ୍ଠା ବିରୋଧରେ କଂଗ୍ରେସ ଦଳର ନେତାମାନେ ପ୍ରତିବାଦ କରୁଥିବା ଦାବି ସାହିତ୍ୟ ସେୟାର କରା ଯାଉଛି।

ଅଯୋଧ୍ୟା ରାମ ମନ୍ଦିର ଦାନ ପାଣ୍ଠିରୁ ନଗଦ ପଇସା ଚୋରୀ ମାମଲା ନେଇ ବିରୋଧୀ ଦଳ ସରକାର ଉପରେ ଅଭିଯୋଗ ଆଣିଛନ୍ତି। ଏହି ଘଟଣା ହେତୁ ସୋସିଆଲ ମିଡିଆ ୟୁଜର୍ସଙ୍କ ବିଭିନ୍ନ ପ୍ରତିକ୍ରିୟା ସାମନାକୁ ଆସିଛି। କିଛି ଲୋକ ଚୋରୀ ମାମଲାର ନିନ୍ଦା କରିଥିବା ବେଳେ କିଛି ଲୋକ ବିରୋଧୀ ଦଳର ପ୍ରତିବାଦର ନିନ୍ଦା କରି କହିଛନ୍ତି ଯେ ଯେଉଁ ମାନେ ରାମ ମନ୍ଦିର ପ୍ରାଣ ପ୍ରତିଷ୍ଠାରେ ଯୋଗ ଦେଇନଥିଲେ ସେମାନେ ମଧ୍ୟ ଦାନ ପାଣ୍ଠିର ହିସାବ ମାଗୁଛନ୍ତି। 

ଏହି ପ୍ରସଙ୍ଗରେ କଂଗ୍ରେସ ନେତା ମାନଙ୍କର କଳା ପୋଶଶକ ପିନ୍ଧି ଥିବା ଏକ ଫୋଟୋ ଭାଇରାଲ ହେଉଛି। ଦାବି କରା ଯାଉଛି ଯେ ଏହି ଫୋଟୋରେ ସେମାନେ ରାମ ମନ୍ଦିର ପ୍ରାଣ ପ୍ରତିଷ୍ଠା ବିରୋଧରେ ପ୍ରତିବାଦ କରିଥିଲେ। 

କିନ୍ତୁ ଫ୍ୟାକ୍ଟ କ୍ରିଷେଣ୍ଡୋ ଭାଇରାଲ ଦାବିକୁ ବିଭ୍ରାନ୍ତକର ବୋଲି ଜାଣିବାକୁ ପାଇଲା। ଏହା 2022 ମସିହାର ଏକ ପୁରୁଣା ଫୋଟୋ ଯେତେବେଳେ କଂଗ୍ରେସ ନେତା ମାନେ ଦରବୃଦ୍ଧି, ବେକାରୀ ଏବଂ GST ହାର ବୃଦ୍ଧି ବିରୋଧରେ ପ୍ରତିବାଦ କରୁଥିଲେ।

Facebook

ଆମ ଅନୁସନ୍ଧାନ: 

ଆମ ଅନୁସନ୍ଧାନରେ ପ୍ରଥମେ ଆମେ ଭାଇରାଲ ଫୋଟୋର ଗୁଗୁଲ ରିଭର୍ସ ଇମେଜ୍ ସର୍ଚ୍ଚ କରିଲୁ। ଫଳାଫଳରେ ଆମକୁ ସମାନ ଫୋଟୋ ୫ ଅଗଷ୍ଟ ୨୦୨୨ ରେ ଡ଼ିଏନଏ ୱେବସାଇଟରେ ରେ ପ୍ରକାଶିତ ହେଇଥିବା ମିଳିଲା। ରିପୋର୍ଟ ଅନୁଯାୟୀ, କଂଗ୍ରେସ ଦଳ ବୃଦ୍ଧି ପାଉଥିବା ମୂଲ୍ୟବୃଦ୍ଧି, ବେକାରୀ ଏବଂ ଅତ୍ୟାବଶ୍ୟକୀୟ ସାମଗ୍ରୀ ଉପରେ GST ବୃଦ୍ଧି ବିରୋଧରେ ଦେଶବ୍ୟାପୀ ପ୍ରତିବାଦ ପ୍ରଦର୍ଶନ କରିଥିଲା। ପ୍ରଦର୍ଶନର ଅଂଶ ସ୍ୱରୂପ, କଂଗ୍ରେସ ନେତାମାନେ ରାଷ୍ଟ୍ରପତି ଭବନକୁ ଏକ ପଦଯାତ୍ରା ଏବଂ ପ୍ରଧାନମନ୍ତ୍ରୀଙ୍କ ବାସଭବନ ନିକଟରେ ଏକ ପ୍ରତିବାଦ ଯୋଜନା କରିଥିଲେ। ପ୍ରତିବାଦ ପୂର୍ବରୁ ରାହୁଲ ଗାନ୍ଧୀ ଏକ ସାମ୍ବାଦିକ ସମ୍ମିଳନୀକୁ ସମ୍ବୋଧିତ କରିଥିଲେ।

ସମାନ ଫୋଟୋ ଆମକୁ ୬ ଅଗଷ୍ଟ ୨୦୨୨ ରେ ଟାଇମ୍ସ ଅଫ୍ ଇଣ୍ଡିଆ ୱେବସାଇଟରେ ମଧ୍ୟ ପ୍ରକାଶିତ ହେଇଥିବା ମିଳିଲା। ରିପୋର୍ଟ ଅନୁଯାୟୀ, କଂଗ୍ରେସ ନେତା ରାହୁଲ ଗାନ୍ଧୀ ବୃଦ୍ଧି ପାଉଥିବା ମୂଲ୍ୟବୃଦ୍ଧି, ବେକାରୀ ଏବଂ ଅତ୍ୟାବଶ୍ୟକୀୟ ସାମଗ୍ରୀ ଉପରେ ଅଧିକ GST ବିରୋଧରେ ଦେଶବ୍ୟାପୀ କଂଗ୍ରେସ ପ୍ରତିବାଦ କାର୍ଯ୍ୟକ୍ରମରେ କେନ୍ଦ୍ର ସରକାର ଗଣତନ୍ତ୍ରକୁ ଦୁର୍ବଳ କରିବା ଏବଂ ବିରୋଧୀ ସ୍ୱରକୁ ଦମନ କରିବା ଅଭିଯୋଗ କରିଥିଲେ। ସେ ଅଭିଯୋଗ କରିଥିଲେ ଯେ ସରକାରଙ୍କ ବିରୁଦ୍ଧରେ କହୁଥିବା ଲୋକଙ୍କୁ ଟାର୍ଗେଟ କରାଯାଉଛି ଏବଂ କହିଛନ୍ତି ଯେ ସାଧାରଣ ସମସ୍ୟାକୁ ଅଣଦେଖା କରାଯାଉଛି। ଗାନ୍ଧୀ ବିଶ୍ୱାସ ପ୍ରକାଶ କରିଥିଲେ ଯେ ଭାରତର ଲୋକମାନେ ଚୁପ୍ ରହିବେ ନାହିଁ ଏବଂ ଶେଷରେ ଏହି ଚ୍ୟାଲେଞ୍ଜଗୁଡ଼ିକର ଜବାବ ଦେବେ।

କିନ୍ତୁ ଆମ ଅଜାଣିଛୁ ଯେ ରାମ ମନ୍ଦିର ପ୍ରାଣ ପ୍ରତିଷ୍ଠା ୨୨ ଜାନୁଆରୀ ୨୦୨୪ ରେ ଆୟୋଜିତ ହୋଇଥିଲା। ଭାଇରାଲ ଫୋଟୋ ୨୦୨୨ ରୁ ଉପଲବ୍ଧ ହେଇଥିବାରୁ ଏହାର ରାମ ମନ୍ଦିର ପ୍ରାଣ ପ୍ରତିଷ୍ଠା ଦିନ ଘଟଣା ହୋଇଥିବା ସମ୍ଭବ ନୁହେଁ।

ସିଦ୍ଧାନ୍ତ:

ଆମ ଅନୁସନ୍ଧାନରୁ ପ୍ରମାଣିତ ହେଲା ଯେ ଭାଇରାଲ ଦାବି ବିଭ୍ରାନ୍ତକର ଅଟେ। ଏହା ଏକ ପୁରୁଣା ଫୋଟୋ ଯାହାର ରାମ ମନ୍ଦିର ପ୍ରାଣ ପ୍ରତିଷ୍ଠା ସହ କୌଣସି ସମ୍ପର୍କ ନାହିଁ। ଏହି ଫୋଟୋରେ କଂଗ୍ରେସ ନେତା ମାନେ ଦରବୃଦ୍ଧି, ବେକାରୀ ଏବଂ GST ହାର ବୃଦ୍ଧି ବିରୋଧରେ ପ୍ରତିବାଦ କରୁଥିଲେ।