ଜୁନ୍ ୨୪ ତାରିଖରେ ଭେନେଜୁଏଲାରେ ରିକ୍ଟର ସ୍କେଲରେ ୭.୨ ଏବଂ ୭.୫ ତୀବ୍ରତାର ଦୁଇଟି ଭୂମିକମ୍ପରେ ଅତି କମରେ ୨୩୫ ଜଣଙ୍କର ମୃତ୍ୟୁ ହୋଇଥିଲା ଏବଂ ୪୩ ରୁ ଅଧିକ ଆହତ ହୋଇଥିଲେ। ଭୂମିକମ୍ପ ଯୋଗୁଁ ଏକ କୋଠା ଭୁଶୁଡ଼ି ପଡ଼ିବାର ଏକ ଦୃଶ୍ୟ ସୋସିଆଲ ମିଡିଆରେ ଭାଇରାଲ ହୋଇଛି। ଦାବି କରାଯାଉଛି ଯେ ଏହା ଭେନେଜୁଏଲାରେ ହୋଇଥିବା ଭୂମିକମ୍ପର ଦୃଶ୍ୟ।
କିନ୍ତୁ ଫ୍ୟାକ୍ଟ କ୍ରିଷେଣ୍ଡୋ ଭାଇରାଲ ଦାବିକୁ ବିଭ୍ରାନ୍ତକର ବୋଲି ଜାଣିବାକୁ ପାଇଲା। ଫିଲିପାଇନ୍ସର ଭୂମିକମ୍ପ ଭିଡିଓକୁ ଭେନେଜୁଏଲାର ଘଟଣା ଦାବି ସହିତ ସେୟାର କରା ଯାଉଛି।
କ’ଣ ଦାବି କରା ଯାଇଛି ପୋଷ୍ଟରେ?
ଭିଡିଓ ସେୟାର କରି ଜଣେ ୟୁଜର ଲେଖିଛନ୍ତି, “ଭେନେଜୁଏଲାରେ ଭୟଙ୍କର ଭୂମିକମ୍ପ 10 ହଜାରରୁ ଉର୍ଦ୍ଧ ଲୋକଙ୍କର ମୃତ୍ୟୁ”
ଆମ ଅନୁସନ୍ଧାନ:
ଆମ ଅନୁସନ୍ଧାନରେ ପ୍ରଥମେ ଆମେ ଭାଇରାଲ ଭିଡିଓକୁ ବିଭିନ୍ନ ଫ୍ରେମରେ ବିଭାଜିତ କରି ପ୍ରତ୍ଯେକ ଫ୍ରେମର ଗୁଗୁଲ ରିଭର୍ସ ଇମେଜ୍ ସର୍ଚ୍ଚ କରିଲୁ। ଫଳାଫଳରେ ଆମକୁ ସମାନ ଭିଡିଓ ୯ ଜୁନ୍ ୨୦୨୬ ରେ ର୍ୟୁଟର୍ସର ଅଫିସିଆଲ ୟୁଟ୍ୟୁବ ଚ୍ୟାନାଲରେ ପ୍ରକାଶିତ ହେଇଥିବା ମିଳିଲା। ରିପୋର୍ଟ ଅନୁଯାୟୀ, ଫିଲିପାଇନ୍ସରେ ହୋଇଥିବା ଭୂକମ୍ପ ସମୟରେ ଜଲିବି ନାମକ ଏକ ରେଷ୍ଟୁରାଣ୍ଟର ଭୁଶୁଡ଼ି ପଡ଼ିବା ଦୃଶ୍ୟ ଥିଲା।
ଏହି ଭିଡିଓଟି ୮ ଜୁନ୍ ରେ ସରକାରୀ ବିବିସି ନ୍ୟୁଜ୍ ୟୁଟ୍ୟୁବ୍ ଚ୍ୟାନେଲରେ ମଧ୍ୟ ଅପଲୋଡ୍ କରାଯାଇଥିଲା। ରିପୋର୍ଟ ଅନୁସାରେ, ଏହା ଫିଲିପାଇନ୍ସରେ ସମ୍ପ୍ରତି ହୋଇଥିବା ୭.୮ ତୀବ୍ରତାର ଭୂମିକମ୍ପ ପରେ ଜୋଲିବି ନାମକ ଏକ ରେଷ୍ଟୁରାଣ୍ଟ ଭୁଶୁଡ଼ି ପଡ଼ିବାର ଦୃଶ୍ୟ ଥିଲା।
CBS ନ୍ୟୁଜ୍ ଫେସବୁକ୍ ପେଜରେ, ଆମେ କ୍ୟାପସନର ଇଂରାଜୀ ଅନୁବାଦ ସହିତ ଏକ ରିପୋର୍ଟ ପାଇଲୁ, “ଜୁନ୍ ୮, ସୋମବାର ଦିନ ଫିଲିପାଇନ୍ସର ମିଣ୍ଡାନାଓ ଅଞ୍ଚଳରେ ଏକ ଶକ୍ତିଶାଳୀ ୭.୮ ତୀବ୍ରତାର ଭୂମିକମ୍ପ ହେବା ପରେ ଫାଷ୍ଟଫୁଡ୍ ରେଷ୍ଟୁରାଣ୍ଟ ଜୋଲିବିର କୋଠା ଭୁଶୁଡ଼ି ପଡ଼ିଥିଲା।” ଭିଡିଓରେ ଦେଖାଯାଉଛି ଯେ ତିନି ମହଲା କୋଠାଟି ଭୁଶୁଡ଼ି ପଡ଼ିବାକୁ ବସିଛି। ସ୍ଥାନୀୟ ରିପୋର୍ଟ ଅନୁସାରେ, କିଛି ମୁହୂର୍ତ୍ତ ପୂର୍ବରୁ, ଦୁଇ ଜଣ ୟୁନିଫର୍ମ ପିନ୍ଧା ଜୋଲିବି କର୍ମଚାରୀଙ୍କ ସମେତ ତିନି ଜଣ ଲୋକ ବାହାରକୁ ଆସିଥିଲେ ଏବଂ ଜୋଲିବି ଏକ ବିବୃତ୍ତିରେ କହିଛନ୍ତି ଯେ ଏହାର ସମସ୍ତ କର୍ମଚାରୀ ସୁରକ୍ଷିତ ଅଛନ୍ତି।
ସିଦ୍ଧାନ୍ତ:
ଆମ ଅନୁସନ୍ଧାନରେ ଭାଇରାଲ ଦାବି ବିଭ୍ରାନ୍ତକର ବୋଲି ପ୍ରମାଣିତ ହେଇଛି। ଫିଲିପାଇନ୍ସର ଭୂମିକମ୍ପ ଭିଡିଓକୁ ଭେନେଜୁଏଲାର ଘଟଣା ଦାବି ସହିତ ସେୟାର କରା ଯାଉଛି।
Title: ଫିଲିପାଇନ୍ସର ଭୂମିକମ୍ପ ଭିଡିଓକୁ ଭେନେଜୁଏଲାର ଘଟଣା ଦାବି ସହିତ ସେୟାର କରା ଯାଉଛି।
Fact Check By: Siddharth Sahu
Result: Misleading
