କର୍ଣ୍ଣାଟକରେ ବିଜେପିର ବିଜୟ ପଦଯାତ୍ରାରେ ଜଡିତ ଶ୍ରମିକମାନଙ୍କୁ ଲୋକମାନେ ଗୋଡ଼ାଇ ନଥିଲେ, ଭିଡିଓର ସତ୍ୟତା ଜାଣନ୍ତୁ…

ଏହି ଭିଡିଓଟି ତେଲେଙ୍ଗାନାର ମୁନୁଗୋଡର ଅଟେ।  ବିଜେପି ଓ ବିଆରଏସ କର୍ମୀଙ୍କ ମଧ୍ୟରେ ସଂଘର୍ଷ ହୋଇଥିଲା। ଏହା ସେହୀ ଘଟଣାର ଭିଡିଓ। ଭିଡିଓର କର୍ଣ୍ଣାଟକ ନିର୍ବାଚନ ସହ କୌଣସି ସଂପର୍କ ନାହିଁ।

କର୍ଣ୍ଣାଟକରେ ହେବାକୁ ଯାଉଥିବା ଥିବା ନିର୍ବାଚନ ପାଇଁ ବିଜେପି ସାରା ରାଜ୍ୟରେ ବିଜୟ ଯାତ୍ରା କରିଥିଲା। ସେହି ଯାତ୍ରା ସହିତ ଯୋଡି, ଏକ ଭିଡିଓ ଇଣ୍ଟରନେଟରେ ସେୟାର କରାଯାଉଛି।  ଭାଇରାଲ ଭିଡିଓରେ ଲୋକଙ୍କୁ ବୀଜେପି ପ୍ରଚାର ଗାଡ଼ି ଉପରେ ଆକ୍ରମଣ କରୁଥିବା ଲୋକଙ୍କୁ ଦେଖିପାରିବେ। ଭିଡିଓ ସହିତ ଦାବି ହେଉଛି ଯେ କର୍ଣ୍ଣାଟକର ଲୋକମାନେ ବିଜେପିର ବିଜୟ ପଦଯାତ୍ରାରେ ସମ୍ପୃକ୍ତ ଶ୍ରମିକମାନଙ୍କୁ ଘଉଡାଇ ଦେଇଛନ୍ତି।

ଭାଇରାଲ ପୋଷ୍ଟରେ ଲେଖା ଯାଇଛି ଯେ, କର୍ଣାଟକ ର ଲୋକେ ଦେଶବାସୀ ଙ୍କୁ କ’ଣ ବାର୍ତ୍ତା ଦେବାକୁ ଚାହୁଁଛନ୍ତି ?

ଫେସବୁକ । ଆର୍କାଇଭ

ଅନୁସନ୍ଧାନ-

ଫେସବୁକରେ କୀୱାର୍ଡ ସର୍ଚ କରି ଆମେ ଭାଇରାଲ ଭିଡିଓ ଯାଞ୍ଚ କରିଲୁ। ଫଳସ୍ୱରୂପ ଆମକୁ 1 ନଭେମ୍ବର 2022 ରେ ଜଣେ ଫେସବୁକ ୟୁଜର ପୋଷ୍ଟ କରିଥିବା ଏକ ଭିଡିଓ ପାଇଲୁ। ଏଥିରେ, 0.48 ମିନିଟରୁ ଭାଇରାଲ୍ କ୍ଲିପ୍ ଦେଖି ପାରିବେ। 

ଏହା ସହିତ ଦିଆଯାଇଥିବା ସୂଚନାରେ ଅନୁସାରେ ଏହି ଭିଡିଓରେ ମୁନୁଗୋଡରେ ବିଜେପି ଏବଂ ବିଆରଏସ (ଭାରତ ରାଷ୍ଟ୍ର ସମିତି) କର୍ମୀଙ୍କ ମଧ୍ୟରେ ହୋଇଥିବା ସଂଘର୍ଷର ଦୃଶ୍ୟ । 

ଏହି ସୂଚନାକୁ ଧ୍ୟାନରେ ରଖି ଆମେ ୟୁଟ୍ୟୁବରେ ଏକ କୀୱାର୍ଡ ସନ୍ଧାନ କରିଥିଲୁ । ସେଠାରେ ଆମେ କିଛି ମାସ ପୂର୍ବରୁ 2 ନଭେମ୍ବରରେ ପ୍ରକାଶିତ ଇଣ୍ଡିଆ ଟୁଡେ ରିପୋର୍ଟ ପାଇଲୁ।  ଏଥିରେ ଆପଣ ଭାଇରାଲ୍ ଭିଡିଓରେ ଦେଖାଯାଇଥିବା ଦୃଶ୍ୟ ଦେଖିପାରିବେ।  ଖବର ଅନୁସାରେ ତେଲେଙ୍ଗାନାର ମୁନୁଗୋଡ ବାଇପୋଲ ପାଇଁ ପ୍ରଚାରର ଶେଷ ଦିନରେ ବିଜେପି ଓ ବିଆରଏସ କର୍ମୀଙ୍କ ମଧ୍ୟରେ ସଂଘର୍ଷ ହୋଇଥିଲା।

ସିନ୍ଧାନ୍ତ-

ତଥ୍ୟ ଯାଞ୍ଚ କରିବା ପରେ, ଆମେ ଜାଣିଲୁ ଯେ ଭାଇରାଲ୍ ଭିଡିଓ ସହିତ କରାଯାଇଥିବା ଦାବି ମିଥ୍ୟା ଅଟେ। ଏହି ଭିଡିଓ କର୍ଣ୍ଣାଟକର ନୁହେଁ ବରଂ ତେଲେଙ୍ଗାନାର ମୁନୁଗୋଡର । ସେଠାରେ ଅନୁଷ୍ଠିତ ଉପ-ନିର୍ବାଚନ ପାଇଁ ପ୍ରଚାରର ଶେଷ ଦିନରେ ବିଜେପି ଏବଂ ବିଆରଏସ କର୍ମୀଙ୍କ ମଧ୍ୟରେ ସଂଘର୍ଷ ହୋଇଥିଲା।