ପଶ୍ଚିମବଙ୍ଗ ବିଧାନସଭା ନିର୍ବାଚନରେ ବିଜେପିର ବିଜୟ ଏବଂ ନୂତନ ସରକାର ଗଠନ ପରେ, ତୃଣମୂଳ କଂଗ୍ରେସ ଭିତରେ ଅସନ୍ତୋଷ ତୀବ୍ର ହୋଇଛି। ଦଳ ବିରୋଧୀ ବୟାନକୁ ଉଦ୍ଧୃତ କରି, ଟିଏମସି ସମ୍ପ୍ରତି ଏହାର ତିନି ଜଣ ମୁଖପାତ୍ରଙ୍କୁ ନିଲମ୍ବିତ କରିଛି।
ବେଙ୍ଗଲର ଏହି ରାଜନୈତିକ ଘଟଣାକ୍ରମ ସହିତ ଜଡିତ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି, ଯେଉଁଥିରେ ମୁସଲିମ ସମ୍ପ୍ରଦାୟର ସଦସ୍ୟମାନେ ବିଜେପି ସ୍କାର୍ଫ ପିନ୍ଧି ଏକ କାର୍ଯ୍ୟାଳୟରୁ ବାହାରୁଥିବା ଦର୍ଶାଯାଇଛି। ଦାବି କରାଯାଉଛି ଯେ ଏହି ଭିଡିଓ ବେଙ୍ଗଲର, ଯେଉଁଠାରେ ମୁସଲିମ ସମ୍ପ୍ରଦାୟର ସଦସ୍ୟମାନେ ବିଜେପିରେ ଯୋଗଦେବା ପାଇଁ ଟିଏମସି ଛାଡି ଆସୁଛନ୍ତି।
ଭିଡିଓ ସେୟାର କରି ଜଣେ ୟୁଜର ଲେଖିଛନ୍ତି, “ଆଉ କେହି ବିଦା ବେଙ୍ଗଲ ରେ ହେବେ ନାହିଁ। ଏବେ ମିଳିଗଲା ଭାରତୀୟ ନାଗରିକ।”
ଆମ ଅନୁସନ୍ଧାନ:
ଆମ ଅନୁସନ୍ଧାନରେ ପ୍ରଥମେ ଆମେ ଭାଇରାଲ ଭିଡିଓକୁ ବିଭିନ୍ନ ଫ୍ରେମରେ ବ୍ଭାଜିତ କରି ପ୍ରତ୍ଯେକ ଫ୍ରେମର ଗୁଗୁଲ ରିଭର୍ସ ଇମେଜ୍ ସର୍ଚ୍ଚ କରିଲୁ। ଫଳସ୍ଵରୂପ ଆମକୁ ‘ଇ ସାଞ୍ଜେ ନ୍ୟୁଜ୍’ ନାମକ ଏକ ଫେସବୁକ୍ ଏକାଉଣ୍ଟରେ ୨୭ ମାର୍ଚ୍ଚ ୨୦୨୬ ରେ ଭାଇରାଲ୍ ଭିଡିଓର ଏକ ଲମ୍ବା ସଂସ୍କରଣ ପୋଷ୍ଟ ହେଇଥିବା ମିଳିଲା।
ଏହା ସହିତ ଥିବା କ୍ୟାପ୍ସନ ଅନୁଯାୟୀ, ଭିଡିଓଟି ଆସାମରୁ ଆସିଛି ଏବଂ ଏକ ଘଟଣା ଦର୍ଶାଉଛି ଯେଉଁଠାରେ ବିଜେପି ନେତା କୃଷ୍ଣେନ୍ଦୁ ପାଉଲଙ୍କ ଉପସ୍ଥିତିରେ ମୁସଲିମ୍ ସମ୍ପ୍ରଦାୟର ଅନେକ ସଦସ୍ୟ ବିଜେପିରେ ଯୋଗ ଦେଇଥିଲେ।
ଆଗକୁ, ଆମେ ‘ଶାହାରୁକ ହୁସେନ ଏବଂ ଆସାମ ଲାଇଭ୍ 24 ନାମକ ଏକ ଫେସବୁକ୍ ପେଜରେ ଅପଲୋଡ୍ ହୋଇଥିବା ଏହି ସମାନ ଭିଡିଓର ଦ୍ୱିତୀୟ ସଂସ୍କରଣ ପାଇଲୁ। ଏଠାରେ, ଭିଡିଓଟି ୨୭ ମାର୍ଚ୍ଚ ୨୦୨୬ ରେ ଆସାମରୁ ଆସିଥିବା ଦାବି ସହିତ ସେୟାର କରାଯାଇଛି।
ଅଧିକ ତଦନ୍ତ ପରେ, ଆମେ News18 Assam/Northeast ଦ୍ୱାରା ସେୟାର କରାଯାଇଥିବା ଏହି ସମାନ ଭିଡିଓର ସଂସ୍କରଣ ପାଇଲୁ। ୨୬ ମାର୍ଚ୍ଚ ୨୦୨୬ ରେ ଭିଡିଓଟି ପୋଷ୍ଟ କରିବା ସମୟରେ, ଏହାକୁ ଆସାମରୁ, ବିଶେଷକରି ପଥରକାନ୍ଦି ବିଧାନସଭା ନିର୍ବାଚନମଣ୍ଡଳୀର ଏକ ଭିଡିଓ ଭାବରେ ଚିହ୍ନଟ କରାଯାଇଥିଲା।
ଆମେ ବିଜେପି ନେତା କୃଷ୍ଣେନ୍ଦ୍ର ପାଉଲଙ୍କ ଅଫିସିଆଲ୍ ଫେସବୁକ୍ ଆକାଉଣ୍ଟରେ ଏହି ଦାବି ସହିତ ଜଡିତ ଏକ ପୋଷ୍ଟ ମଧ୍ୟ ପାଇଲୁ। ଏହି ପୋଷ୍ଟଟି ୨୬ ମାର୍ଚ୍ଚ, ୨୦୨୬ରେ ସେୟାର କରାଯାଇଥିଲା। ଏଥିରେ ଭାଇରାଲ୍ ଭିଡିଓ ସହିତ ଜଡିତ ଅନେକ ଚିତ୍ର ରହିଛି। ଏହା ବ୍ୟତୀତ, ପୋଷ୍ଟ ଅନୁଯାୟୀ, ଆସାମର ପଥରକାନ୍ଦି ବିଧାନସଭା ନିର୍ବାଚନମଣ୍ଡଳୀର ବିଜେପି ନେତା କୃଷ୍ଣେନ୍ଦ୍ର ପାଉଲଙ୍କ ଉପସ୍ଥିତିରେ ଅନେକ ଲୋକ ଦଳରେ ଯୋଗ ଦେଇଥିଲେ। କୃଷ୍ଣେନ୍ଦ୍ର ପାଉଲ ୧୨୫ ନମ୍ବର ପଥରକାନ୍ଦି ବିଧାନସଭା ନିର୍ବାଚନମଣ୍ଡଳୀର ବିଧାୟକ।
ସିଦ୍ଧାନ୍ତ:
ଆମ ଅନୁସନ୍ଧାନରୁ ପ୍ରମାଣିତ ହେଲା ଯେ ଭାଇରାଲ ଭିଡିଓ ବିନା ସଠିକ୍ ପ୍ରସଙ୍ଗ ସହିତ ସେୟାର କରା ଯାଉଛି। ଆସାମର ପୁରୁଣା ଭିଡିଓକୁ ପଶ୍ଚିମବଙ୍ଗରେ ବିଜେପି ଜିତିବା ପରେ ମୁସ୍ଲିମ ମାନେ ପାର୍ଟିରେ ଯୋଗଦାନ ଦେବା ଦାବି ସହିତ ସେୟାର କରା ଯାଉଛି।
Title: ବେଙ୍ଗଲ ନିର୍ବାଚନରେ କ୍ଷମତା ପରିବର୍ତ୍ତନ ପରେ ମୁସଲମାନମାନେ କ’ଣ ବିଜେପିରେ ଯୋଗ ଦେଇଛନ୍ତି? ନା, ଭାଇରାଲ ଭିଡିଓଟି ଆସାମର।
Fact Check By: Siddharth Sahu
Result: Missing Context
