କ’ଣ ଏହି ଭିଡିଓରେ ଭାରତ ଏବଂ ବାଂଲାଦେଶର ହିନ୍ଦୁ ମାନଙ୍କୁ ISIS ର କ୍ୟାମ୍ପ୍ ରୁ ଉଦ୍ଧାର କରା ଯାଉଛି? ଜାଣନ୍ତୁ ସତ୍ୟତା। 

ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେଉଛି ଯେଉଁଥିରେ ସେନା ୟୁନିଫର୍ମ ପିନ୍ଧିଥିବା ମହିଳାମାନେ ଏକ ତମ୍ବୁରେ ପ୍ରବେଶ କରୁଥିବା ଦେଖିବାକୁ ମିଳିଛି। ସେଠାରେ ସେମାନେ ଦୁଇଟି ମହିଳାଙ୍କୁ ବନ୍ଧା ହୋଇଥିବା ଦେଖିଲେ। ସେନା କର୍ମଚାରି ମାନେ ସେ ମାନଙ୍କୁ ଉଦ୍ଧାର କରିଥିଲେ। 

ଦାବି କରା ଯାଉଛି ଯେ ତମ୍ବୁରେ ବନ୍ଧା ଅବସ୍ଥାରେ ଥିବା ମହିଳା ମାନେ ହେଉଛନ୍ତି ଭାରତ ଏବଂ ବାଂଲାଦେଶର ହିନ୍ଦୁ ଯେଉଁମାନେ ISIS ର ଶୋଷଣର ଶିକାର ହୋଇଥିଲେ। 

କିନ୍ତୁ ଫ୍ୟାକ୍ଟ କ୍ରିଷେଣ୍ଡୋ ଭାଇରାଲ ଦାବିକୁ ମିଥ୍ୟା ବୋଲି ପାଇଲା। ଏହି ଭିଡିଓଟି ୨୦୨୨ ମସିହାର ଅଟେ। ଉଦ୍ଧାର ହୋଇଥିବା ମହିଳାମାନେ ଭାରତ କିମ୍ବା ବାଂଲାଦେଶ ନୁହେଁ ୟାଜିଦି ଥିଲେ। ଏହି ୟାଜିଦି ମହିଳାମାନଙ୍କୁ YPJ ବାହିନୀ ଦ୍ୱାରା ଉଦ୍ଧାର କରାଯାଇଥିଲା। 

କ’ଣ ଦାବି କରା ଯାଇଛି ପୋଷ୍ଟରେ? 

ଭିଡିଓ ସେୟାର କରି ଜଣେ ସୋସିଆଲ ମିଡିଆ ବ୍ଯ୍ବହାରକାରୀ ଲେଖିଛନ୍ତି, “UN ର ସୈନିକ ISIS ସିବିର ଉପରେ ହମଲା କରି SEX ପାଇଁ ଅଣାଯାଇଥିବା 38 ଭାରତୀୟ ଯୁବତୀଙ୍କୁ ଉଦ୍ଧାର କରିଛି । ସେମାନଙ୍କୁ ଚେନ୍ ଦ୍ଵାରା ବାନ୍ଧି ରଖାଯାଇଥିଲା । ଯେଉଁ ସେକୁଲାର ହିନ୍ଦୁ କେରଳ ଷ୍ଟୋରୀ ସିନେମାକୁ ମିଛ ବୋଲି କହୁଥିଲେ ।ସେମାନେ ଆଖି ଭରି ଦେଖ ।“

Facebook | Archive

ଆମ ଅନୁସନ୍ଧାନ: 

ଆମ ଅନୁସନ୍ଧାନରେ ପ୍ରଥମେ ଆମେ ଭାଇରାଲ ଭିଡିଓକୁ ବିଭିନ୍ନ ଫ୍ରେମରେ ବିଭାଜିତ କରିଲୁ। ଏହା ପରେ ଆମେ ପ୍ରତ୍ଯେକ ଫ୍ରେମର ଗୁଗୁଲ ରିଭର୍ସ ଇମେଜ୍ ସର୍ଚ୍ଚ କରିଲୁ। ଫଳାଫଳରେ ଆମକୁ ସମାନ ଭିଡିଓ ଏସଡ଼ିଏଫ ପ୍ରେସ୍ ନାମକ ୟୁଟ୍ୟୁବ ଚ୍ୟାନାଲରେ ପ୍ରସାରିତ ହେଇଥିବା ମିଳିଲା। ଏହି ଭିଡିଓକୁ ୨୦୨୨ ମସିହାରେ ଅପ୍ଲୋଡ ହେଇଥିଲା। 

ୟୁଟ୍ୟୁବ୍ ଚ୍ୟାନେଲର ଭିଡିଓରେ ଦେଖାଯାଇଥିବା ଲାଲ୍ ଲୋଗୋ ଭାଇରାଲ୍ ଭିଡିଓରେ ମଧ୍ୟ ଦେଖିବାକୁ ମିଳିଛି। 

ଗୁଗୁଲ ଅନୁବାଦ ସାହାଯ୍ୟ ଆଖ-ପାଖ ଶବ୍ଦ ଗୁଡ଼ିକ ଅନୁବାଦ କରିଲା ପରେ ଆମେ ଜାଣିଲୁ ଯେ ସେଥିରେ କୁହା ଯାଇଛି- ଅଲ୍-ହୋଲ୍ କ୍ୟାମ୍ପରେ ବନ୍ଦୀ ହେଇଥିବା ୪ ଜଣ ମହିଳାଙ୍କୁ YPJ ଉଦ୍ଧାର କରିଛି।

ନିମ୍ନରେ ଆପଣ ମାନେ ପୁରା ଭିଡିଓ ଦେଖି ପାରିବେ। 

YPJ କ’ଣ? 

‘ଦି କୁର୍ଦ୍ଦିଶ ପ୍ରୋଜେକ୍ଟ’ରେ ପ୍ରକାଶିତ ସୂଚନା ଅନୁଯାୟୀ, YPJ କୁର୍ଦରେ’ ମହିଳା ସୁରକ୍ଷାର ଏକ ୟୁନିଟ୍ ଅଟେ। ଏହି ସେନା କୁର୍ଦ୍ଦିସ୍ତାନର ସିରିଆ ଅଞ୍ଚଳର ସଶସ୍ତ୍ର ବାହିନୀର ଏକ ମହିଳା ବ୍ରିଗେଡ୍ ଯାହା ଆଇଏସଆଇଏସରୁ ତୁର୍କୀ-ସିରିଆ ସୀମାରେ କୋବାନୀଙ୍କ ନିୟନ୍ତ୍ରଣକୁ ଫେରାଇ ଆଣିବା ସଂଗ୍ରାମରେ ପ୍ରମୁଖ ଭୂମିକା ଗ୍ରହଣ କରିଛି।

ଅଲ-ହୋଲ କ୍ୟାମ୍ପ କ’ଣ?

ଅଲ-ହୋଲ ଉତ୍ତର ସିରିଆର ଏକ ଶରଣାର୍ଥୀ ଶିବିର । ଏହି ଶିବିର 1991 ରେ ପ୍ରତିଷ୍ଠିତ ହୋଇଥିଲା।  2003 ପରେ ଇରାକ ଆକ୍ରମଣ ପରେ ଏହା ଇରାକ-ସିରିଆ ସୀମାରେ ପୁନଃ ଖୋଲାଯାଇଥିଲା। ଏହି ଶିବିର ମୁଖ୍ୟତଃ  ଆମେରିକା ସମର୍ଥିତ ସିରିଆ ଡେମୋକ୍ରାଟିକ୍ ଫୋର୍ସ (SDF) ଦ୍ୱାରା ନିୟନ୍ତ୍ରିତ। ଶିବିରରେ ଅଧିକାଂଶ ଜନସଂଖ୍ୟା ମହିଳା ଏବଂ ଶିଶୁଙ୍କୁ ନେଇ ଗଠିତ।

ଗୁଗୁଲରେ ବିଭିନ୍ନ କୀ ଶବ୍ଦ ଖୋଜିବା ଉପରେ, ଆମେ 5 ସେପ୍ଟେମ୍ବର 2022 ରେ YPJ ଦ୍ୱାରା କରାଯାଇଥିବା ଏକ ଟୁଇଟ୍ ପାଇଲୁ, ଯେଉଁଥିରେ ଆମେ ଭାଇରାଲ୍ ଭିଡିଓ ଅଛି।

In this video you will see how #YPJ forces liberate women in the ongoing campaign against #ISIS cells in al-#Hol camp.

It shows 3 women that where found in a tent, where ISIS women had put their legs in chains. Their bodies showed marks of torture.#Syria #Daesh #SDF #YPG pic.twitter.com/7W2kWOHcYy

— YPJ Information (@YPJ_Info) September 5, 2022

ଚତୁର୍ଥ ଟ୍ୱିଟରେ ଉଦ୍ଧାର ହୋଇଥିବା ମହିଳାମାନେ ଶେଙ୍ଗାଲ ସହରର ୟାଜିଦି ସମ୍ପ୍ରଦାୟର ବୋଲି ଉଲ୍ଲେଖ କରାଯାଇଛି। ଏହା ବ୍ୟତୀତ ଏହି ସମ୍ପ୍ରଦାୟଗୁଡିକ ମୁଖ୍ୟତଃ ଉତ୍ତର ଇରାକ, ଦକ୍ଷିଣ ପୂର୍ବ ତୁର୍କୀ, ଉତ୍ତର ସିରିଆ, କାଉକଜ ଅଞ୍ଚଳ ଏବଂ ଇରାନର କିଛି ଅଂଶରେ ଦେଖିବାକୁ ମିଳେ।

ଅଲ-ହୋଲ କ୍ୟାମ୍ପରେ ଚାଲିଥିବା ଅପରେସନରେ YPJ ବାହିନୀ ଦ୍ୱାରା ମୋଟ 4 ଜଣ ମହିଳାଙ୍କୁ ମୁକ୍ତ କରାଯାଇଥିଲା। ସେ ଅଳ୍ପ ବୟସରେ ବିବାହ କରିଥିଲେ। ଉଦ୍ଧାର ହେବା ପରେ ତାଙ୍କୁ ମାନସିକ ସହାୟତା ଦିଆଯାଇଥିଲା। 

#YPJ commander Dilbirîn Kobane:

"We saved 4 women kept in chains in a tent used as a prison. They were married at young age, their will was broken. They were tortured & threatened with death. They need psychological therapy. We brought them to a safe place & take care of them." pic.twitter.com/IRJGFRZi2v

— YPJ Information (@YPJ_Info) September 7, 2022

ସିଦ୍ଧାନ୍ତ: 

ଆମ ଅନୁସନ୍ଧାନରୁ ପ୍ରମାଣିତ ହେଲା ଯେ ଏହି ଭିଡିଓଟି ୨୦୨୨ ମସିହାର ଅଟେ। ଉଦ୍ଧାର ହୋଇଥିବା ମହିଳାମାନେ ଭାରତ କିମ୍ବା ବାଂଲାଦେଶ ନୁହେଁ ୟାଜିଦି ଥିଲେ। ଏହି ୟାଜିଦି ମହିଳାମାନଙ୍କୁ YPJ ବାହିନୀ ଦ୍ୱାରା ଉଦ୍ଧାର କରାଯାଇଥିଲା।