ସାମ୍ବାଦିକା ଅଞ୍ଜନା ଓମ୍ କଶ୍ୟପ ୟୁଟ୍ୟୁବ ଶିକ୍ଷକମାନଙ୍କୁ ସମାଲୋଚନା କରି ବିବାଦ ସୃଷ୍ଟି କରିଥିଲେ। ସେ କହିଥିଲେ ଯେ ସେମାନଙ୍କ ମଧ୍ୟରୁ ଅନେକ ପ୍ରକୃତ ଜ୍ଞାନ ଏବଂ ଶିକ୍ଷାଦାନ ଅପେକ୍ଷା ମତାମତ ଏବଂ ଧ୍ୟାନ ଆକର୍ଷଣ କରିବାରେ ଅଧିକ ଧ୍ୟାନ ଦିଅନ୍ତି। ତାଙ୍କର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା, ଏବଂ ଏହି ମନ୍ତବ୍ୟ ନ୍ୟୁଜ୍ ଆଙ୍କରଙ୍କ ବିରୁଦ୍ଧରେ ଏକ ବିଶାଳ ଆନ୍ଦୋଳନ ଆରମ୍ଭ କରିଥିଲା।
ଏହି ପ୍ରସଙ୍ଗରେ, ଆଜି ତକ୍ ସାମ୍ବାଦିକଙ୍କ ପୋଷ୍ଟରରେ ଚପଲର ହାର ପିନ୍ଧିଥିବା ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଭିଡିଓରେ ଯୁବକମାନେ ଜୋତା, ଚପଲ ଫିଙ୍ଗି ପ୍ରତିବାଦ କରୁଥିବା ଦେଖାଯାଉଛି। ଭିଡିଓ ସେୟାର କରୁଥିବା ବ୍ୟବହାରକାରୀମାନେ ଦାବି କରୁଛନ୍ତି ଯେ ଏଥିରେ ଶିକ୍ଷକମାନଙ୍କ ବିଷୟରେ ଅଞ୍ଜନା ଓମ୍ କଶ୍ୟପଙ୍କ ମନ୍ତବ୍ୟ ପରେ ଲୋକମାନେ ତାଙ୍କ ବିରୋଧରେ ପ୍ରତିବାଦ କରୁଥିବା ଦେଖାଯାଉଛି। ଭିଡିଓର କ୍ୟାପସନରେ କୁହାଯାଇଛି, “ଦଲାଲି ପାଇଁ ଭଲ ପୁରସ୍କାର ପାଉଛନ୍ତି ଅଞ୍ଜନା ଓଁ କସପ“
ଆମ ଅନୁସନ୍ଧାନ:
ଆମ ଅନୁସନ୍ଧାନରେ ପ୍ରଥମେ ଆମେ ଭାଇରାଲ ଭିଡିଓକୁ ବିଭିନ୍ନ ଫ୍ରେମରେ ବିଭାଜିତି କରି ପ୍ରତ୍ଯେକ ଫ୍ରେମର ଗୁଗୁଲ ରିଭର୍ସ ଇମେଜ୍ ସର୍ଚ୍ଚ କରିଲୁ। ଫଳାଫଳରେ ଆମକୁ ସମାନ ଭିଡିଓ ୧୨ ଅକ୍ଟୋବର ୨୦୨୫ ରେ ଏକ ଇଂଷ୍ଟାଗ୍ରାମ ଏକାଉଣ୍ଟରେ ପୋଷ୍ଟ ହେଇଥିବା ମିଳିଲା।
କ୍ୟାପସନରେ ଲେଖାଯାଇଛି, “ଆଜ ତକ୍ ଆଙ୍କର ଅଞ୍ଜନା ଓମ କଶ୍ୟପଙ୍କ ବିରୋଧରେ ପ୍ରତିବାଦ। ପ୍ରତିବାଦ ସ୍ୱରୂପ ଯୁବକମାନେ ଜୋତା, ଚପଲ ଫିଙ୍ଗିଥିଲେ ଏବଂ ଅଞ୍ଜନାଙ୍କ ଫଟୋରେ ମାଳା ପିନ୍ଧାଇଥିଲେ। ଲୁଧିଆନାରେ ଆଙ୍କର ଅଞ୍ଜନା ଓମ୍ କଶ୍ୟପଙ୍କ ବିରୋଧରେ ମାମଲା ରୁଜୁ ହୋଇଛି। ଭଗବାନ ବାଲ୍ମିକିଙ୍କ ବିଷୟରେ ଅପମାନଜନକ ମନ୍ତବ୍ୟ ଦେବା ପାଇଁ ଏକ ଏଫଆଇଆର ରୁଜୁ ହୋଇଛି! ଭାରତୀୟ ବାଲ୍ମିକି ଧର୍ମ ସମାଜର ଜାତୀୟ ସଂଯୋଜକ ଚୌଧୁରୀ ଯଶପାଲଙ୍କ ଅଭିଯୋଗ ଆଧାରରେ ଏହି ଏଫଆଇଆର ରୁଜୁ କରାଯାଇଛି।”
https://www.instagram.com/the_starman7/reel/DPsuJC1CJ0W
ଅନ୍ୟ ରିପୋର୍ଟ ଅନୁସାରେ, “ଅକ୍ଟୋବର 2025 ରେ, ଲୁଧିଆନା ପୋଲିସ ଆଜ ତକ୍ ନ୍ୟୁଜ୍ ଆଙ୍କର ଅଞ୍ଜନା ଓମ କଶ୍ୟପଙ୍କ ବିରୁଦ୍ଧରେ ତାଙ୍କର ବ୍ଲାକ୍ ଆଣ୍ଡ୍ ହ୍ୱାଇଟ୍ ଶୋ’ ସମୟରେ ପ୍ରାଚୀନ ଯୁଗର ସନ୍ଥ ବାଲ୍ମିକିଙ୍କ ବିରୁଦ୍ଧରେ ଅପମାନଜନକ ମନ୍ତବ୍ୟ ଦେବା ଅଭିଯୋଗରେ ଏକ ପ୍ରଥମ ସୂଚନା ରିପୋର୍ଟ (FIR) ରୁଜୁ କରିଥିଲା। ବିଜୟ ଦାନଭଙ୍କ ନେତୃତ୍ୱରେ ଗଠିତ ଭାରତୀୟ ବାଲ୍ମିକି ଧର୍ମ ସମାଜ ଭାବଦାସର ଜାତୀୟ ସଂଯୋଜକ ଚୌଧୁରୀ ଯଶପାଲଙ୍କ ଅଭିଯୋଗ ଉପରେ ଏହି ଏଫଆଇଆର ରୁଜୁ କରାଯାଇଛି।”
ଏହା ପରେ, ପ୍ରସାରଣରେ କ୍ରୋଧିତ ଯୁବକମାନଙ୍କ ଏକ ଗୋଷ୍ଠୀ ଲୁଧିଆନାରେ ରାସ୍ତାକୁ ଓହ୍ଲାଇ ଆସିଥିଲେ। କିଛି ପ୍ରଦର୍ଶନରେ, ପ୍ରଦର୍ଶନକାରୀମାନେ କଶ୍ୟପଙ୍କ କୁଶପୁତ୍ତଳିକା ଦାହ କରିଥିଲେ, ଜୋତା ଏବଂ ଚପଲ ଫିଙ୍ଗିଥିଲେ।
ସିଦ୍ଧାନ୍ତ:
ଆମ ଅନୁସନ୍ଧାନରୁ ପ୍ରମାଣିତ ହେଲା ଯେ ଭାଇରାଲ ଭିଡିଓକୁ ବିନା ସଠିକ୍ ପ୍ରସଙ୍ଗ ସହିତ ସେୟାର କରା ଯାଉଛି। ଅଞ୍ଜନା ଓମ କଶ୍ୟପଙ୍କ ବିରୋଧରେ ପ୍ରତିବାଦର ଏକ ପୁରୁଣା ଭିଡିଓକୁ ନିକଟରେ ଅନ୍ଲାଇନ ଶିକ୍ଷକଙ୍କ ଉପରେ ତାଙ୍କ ମନ୍ତବ୍ୟ ଦେବା ଘଟଣା ସହିତ ଯୋଡ଼ି ସେୟାର କରା ଯାଉଛି।
Title: ଅଞ୍ଜନା ଓମ କଶ୍ୟପଙ୍କ ବିରୋଧରେ ପ୍ରତିବାଦର ପୁରୁଣା ଭିଡିଓକୁ ନିକଟରେ ତାଙ୍କର ଅନ୍ଲାଇନ ଶିକ୍ଷକଙ୍କ ବିରୋଧରେ ଦେଇଥିବା ମନ୍ତବ୍ୟ ସହିତ ଯୋଡ଼ି ସେୟାର କରା ଯାଉଛି।
Fact Check By: Siddharth Sahu
Result: Missing Context
